●Geij bi neix daeuj, Denzyangz Yen gyalai gij ligdoh vut gungz gunggeng, roengzrengz damqra gij vunqsik hwngfat canjnieb cunh gaep, mboujduenh guhndei nungzyez canjnieb gezgou, doenggvaq riuzcienj diegnamh, yungh “gungh- swh+hozcozse+ranz- gungzhoj” daengj vunqsik, haenqrengz hwngfat daeg- saek canjnieb, mizyauq gyahung cunh cizdij ginghci, daiqdoengh nungzhoh laisou.

(Liuz Gez)

●Geij bi neix daeuj, Luzcai Yen Cunghdu Cin haenqrengz hwngfat gij canjnieb lijyouz yawjngonz va’ngaeux， youq Dacau Cunh hwnjguh dieggoek ndaem cien moux va- ngaeux, coih daiz yawj gingj、aen vwnzva’gvanj daj- ndaem、daizheiq daengj giekdaej sezsih, hai ranz- dozninz caeuq nungz- gyahloz, aeu aenmbanj guh baenz diegguhyiengh nungzyez youqndwi miz daegsaek, yinx ndaej boux- hek daeuj youz yawj va- ngaeux, daiq vunzlai baenz miz, saedyienh vut gungz.

(Vangz Yaubangh)

●Mboengqneix, Hoz- ciz Si Yizcouh Gih youq Bwzyaz Yauzcuz Yangh Whwngz Cunh Mbanj- whwngz banh ciengz yienj heiq vwnzva banggungz leih lwgminz, ciengz heiq neix cawjdaez dwg “gyaez dangj gyaez guek vaiq vut gungz”. Yienjok hozdung yungh gij hingzsik“yienjheiq cezmuz+camdap gij cihsiz cwngcwz banggungz”. Neiyungz lai yiengh, yinx ndaej haujlai vunz bae yawj.

(Veiz Yenmingz)

●Geij bi neix daeuj, Cenzcouh Yen youq mwh vut gungz gunggeng doeng- gvaq ndaem makit daiq- doengh lajmbanj lijyouz, hawj suen makit bienqbaenz dieggingj, gij canjnieb makit baenz gij canjnieb ndei dangdieg ragdoengh nungz- yez ginghci hwngfat、baujcang vunzguhnaz laeb- daeb laisou.

(Vangz Swhcang)