Ndwen 8 ngoenz 15, Yungzanh Yen Banjlanj Cin Gvanhsih Cunh banh aen hozdung Liujcouh Si Gveigangj Sanghvei、Liujcouh Bingznanz Sanghvei “seizcou banghag” caeuq aen yizsi gihginhvei banghag laebbaenz. Gyoengq vunz simndei Liujcouh Si Gveigangj Sanghvei、Liujcouh Bingznanz Sanghvei caeuq aen giyez ndawbiengz gizyawz bae daengz Gvanhsih Cunh, haiguh aen hozdung seizcou banghag gaijgez aen vwndiz hwnj hag hoj lwghag gungzhoj aen cunh neix.

Ciuq cam rox, daj bi 2005 guh hong vut gungz doxdaeuj, aen yienh neix haenqrengz cujciz caeuq yungh gij rengz ndawbiengz, doenggvaq cwnghez、gunghsanghlenz, vih doengh gij giyez gagguh caeuq sanghvei haenqrengz guh vut gungz gunggeng saehnieb dap bingzdaiz, coicaenh cinjcing vut gungz, guh daengz “bak aen giyez bang bak aen mbanj”. Gyauyuz vut gungz fuengmienh, bi 2016 doxdaeuj, aen yienh neix ciuq gij iugouz hong son’gyauq banggungz swcigih yijlu giva, gyalai senhconz gij cwngcwz yijlu giva, guh ndei doeksaed hong yijlu giva haglig gyauyuz bangbouj wnggai bouj couh bouj, haglig gyauyuz bangbouj 5600 lai vunzbaez, ca mbouj geijlai 1100 fanh maenz.

(Cinz Gozcwng/陈国正)