Ginjsiu simngeix, seizgan couh dajneix daengxyouq, couh lumj aen ruz iq de naengh neix, de mbouj ngauz cauhruz le，de dinghdingh youq, daengx youq gwnz raemx Vanbohloz. Hoeng, Dahraemxhoengz cingq laelili, ndaundeiq gwnz- mbwn bonjlaiz couh noix haenx cingq menhmenh doiq bae, yawj yiengh ranz couh yaek rongh lo.

Ginjsiu yawj ndaw doengjraemx suliu dangq- naj, byaleix、byavanx、byalozfeih duzhung duziq diuqletlet, vala vala yiengj dwk. De youh vanq aenmuengx roengz gwnz raemx bae, aenvih mbouj miz rengz, aenmuengx cix mbouj ndaej sanq gvangq lumj de yaekaeu. De mbouj siengj caiq lingh guh baez dem. De rox, couhcinj caiq dauqcungz cien fanh baez, de ndaej guh daengz, hix cij dwg vanq aenmuengx lumj buenz mbinjcuk hung aeu daeuj dak haeuxyangz baenzneix hung sat lo. De dawz cauhruz cuengq youq gyaeuj ruz, coh ndaw raemx gizlaeg vaij bae, aenruz iq couh menhmenh coh gizdieg liz henzhamq engq gyae vaij bae. Baihlaj diegraemx gizgyae, couhdwg aen mbanj de. Mbouj, cinjdeng dwk naeuz wnggai dwg aenmbanj bouxgvan de. Aenmbanj de youq ndaw rungh, dwg aenrungh iqet ndeu, mbouj miz geij gaiq reih ndei, haeuxgwn bi daengz gyaeuj dingzlai dwg daj gehrin yoek okdaeuj, engq mbouj yungh dwen raemxnaz ndaej ndaem ok haeuxhau lo. Fawh seizcin haq hawj bouxsai haenx, de caeuq bouxsai cukcuk ndaem baenz aen seizcin ndeu, cij ndaem liux gij reihnaz ranz de. Baez haenx dwg ciuhvunz de ndaem reih ndaem naz ceiq lai ceiq angq, hix dwg baez dog ndeu.

Seizcin haenx gvaqlaeng, raemxdah couh hainduj baenz conq baenz conq dumx hwnjdaeuj. Raemxdah dumx gvaq reihnaz, dumx gvaq aenmbanj, dumx gvaq gwnzndoi. Raemxdah sat- dingz dumx hwnjdaeuj seiz, dangqnaj Ginjsiu gaenq dwg raemxlangh gvangqmyangmyang, gwnz- ndoi baihlaeng mbanj cij miz gwnzdingj loh ok gwnzraemx, lumj aen ruz ciengxlwenx daengxyouq henzhamq nei, Dahraemxhoengz fanfofo geuj- foedfoed hix lumjnaeuz dingzyouq mbouj lae lo. Bouxgvan lwnh de, duenhdah baihlaj hwnqguh suijdencan, dajneix, gyoengqde couhdwg boux- yizminz dieg suijgu lo. Ginjsiu yawj dwk raemxdah caemrwgrwg, ngunhcoemcoem cam naeuz, baenzneix reihnaz raeuz ne, reihnaz raeuz deng dumx liux lo, baezlaeng raeuz baengh gijmaz gwn? Bouxgvan nai de, miz cwngfuj, miz raemxdah gvangqlangh neix, mwngz lau raeuz lij dai iek ma? Ginjsiu sawqmwh daejww, naeuz, hoeng, hoeng gou yaek ndaem reih ndaem naz, gou haq hawj mwngz couhdwg vihliux ndaem reih ndaem naz. Bouxgvan couh riu de dwg mehlaet.

Miz seiz ngeixngeix, swhgeij caen dwg bouxlaet. Ginjsiu gag riu bonjfaenh. Aenruz iq yiengjcoco gaenriengz fagcauh vaij raemx menhmenh baenaj, caeuq aenruz caizyouz gihdung bouxgvan hai haenx, caen mbouj miz banhfap doxbeij. Danghnaeuz bouxsai mbouj ok saeh, de hix mbouj yungh vaij aen ruz iq byonghhwnz daeuj daengz gwnz dah neix. De vaij bae duenh ndeu, roxnyinh daengz seiz sou muengx lo, youh cuengq fagcauh youq gyaeujruz, cij baenz di baenz di coh gwnz ruz soucomz aenmuengx. Daej muengx yaek loh ok ndaw raemx seiz, Ginjsiu cij raen gwnzraemx ningnywgnywg, ndawsim sawqmwh mizdi naiqnuek. Caen dahraix, Ginjsiu sou baenz aenmuengx roengz ndaw ruz bae le, sam duz bya mbouj daengz gaen ndeu diuqyoekyoek, haxbaenh ranz lij mongmikmik, couh laengz mbouj ndaej yaepyet bienq ronghsag lo.

Ginjsiu da yawj gvaq caengz mok mbangmbing fouz youq gwnzraemx, yawjraen le Bohloz Cin youq gizgyae laj dinbya. Ngoenzneix dwg ngoenzhaw, gwnzgai Bohloz Cin boux gai noh gai byaek, boux gai haiz gai mad, boux gai buh gai baengz, gaenq hainduj nyaengqnyat baij dan lo. Couh lienz boux ndaw rungh daeuj ganj haw ganj ndaej caeux haenx, hix rap geij duz gaeqdoj roxnaeuz saek di huq ndaw bya lumjbaenz noucuk、maenzcienzbya daeuj daengz gwnzhaw Bohloz lo.

Ginjsiu ganj daengz gwnzhaw Bohloz Cin seiz, Cinzgyaeujhung gai bya senq youq aen dan swhgeij guhhong nyaengqnyat lo. Ginjsiu dawz song aen doengj suliu lienz bya daiq raemx gwnz mbaq rap cuengq youq baihnaj aendan Cinzgyaeujhung, naeuz Gocinz, seng’eiq ndei a, soengq cienz daeuj hawj mwngz la!

Baezbaez dawz bya daeuj hawj Cinzgyaeujhung bang gai, vihliux gouzaeu gitlieh, Ginjsiu cungj baenzneix doiq Cinzgyaeujhung gangj.

Cinzgyaeujhung gai bya vunzgoeng dajciengx, Ginjsiu dawz daeuj hawj de bang gai dwg byadah, neix caeuq seng’eiq de mbouj doxcung. Dangyienz, Cinzgyaeujhung baenzlawz cungj ndaej daj ndawde lauz aeu ca’gyaq, hoeng de mbouj baenzneix guh. De gig sim’angq bang Ginjsiu, de roxnyinh Ginjsiu dwg dahsau unqnyieg ndeu, caen dwg mbouj yungzheih, hix caen gaeuq mingh hoj.

(1)

锦绣幻想着，时间就此停止，就像她坐着的这条小船，她不摇动船桨以后，它是静静的，泊在坡落湾的水面上。然而，红水河在流动，天上本就寥寥的星辰在渐次退隐，眼看天就要亮了。

锦绣看看跟前的塑料水桶里，大大小小的鲤鱼、草鱼、罗非鱼在欢腾着，发出哗啦哗啦的响动。她把网又撒向水面，因为力气小的缘故，那张网并没能撒开成她想要的范围。她不想再重来了。她深知，即使再重复千万次，她所能做的，也只是能把网撒开得像一张晒玉米用的大竹席那么大而已。她拿起搁在船头的木桨，往深水里划去，小船便缓缓地向离岸更远的水面驶去。远处的那片水域之下，就是她的村庄。不，准确的说应该是她男人的村庄。她的村庄在山弄里，是一个窄窄的弄场，没几块好地，一年四季的口粮大多是从石缝里抠出来的，更不用说能种出大米来的水田了。嫁给男人的那个春天，她和男人足足种了一个春天，才把他家的田地都种完。那是她这辈子种田种地最多最欢畅的一次，也是唯一的一次。

那个春天过后，河水就开始一寸一寸地漫上来了。河水漫过田地，漫过村庄，漫上山坡。河水停止漫上来的时候，锦绣的眼前已是万顷碧波，村庄后面的山坡只有顶端露在水面上，像一艘永远停泊靠岸的轮船，汹涌奔腾的红水河也似乎停止了流动。男人告诉她，下游建起了水电站，从此，他们就是库区移民了。锦绣看着平静的水面，茫然问道，那我们的田地呢，我们的田地全被淹了，以后我们靠什么过活？男人安慰她，有政府，有这宽阔的水面，你怕我们还饿死不成？锦绣突然嚎啕大哭起来，说，可是，可是我要种田种地，我嫁给你就是为了种田种地来的。男人就笑她是个傻瓜。

有时候想想，自己真是个傻瓜呢。锦绣自嘲地笑了。小船在木桨划开水面发出的嗦嗦声里缓缓地前行，比起男人开动的那艘柴油机动船来，真是没法比。要是男人不出事，她也用不着开这小船半夜三更地到这水面上来。她划行了一段，觉得该是收网的时候了，就又把木桨搁在船头，才一点又一点地把网往船上收拢起来。网兜底快露出水面的时候，锦绣只看到水面有小小的翻动，心里顿时就涌起些微微的怅然。果然，锦绣把整张网收到船里后，三只不足一斤的鱼活蹦乱跳着，那刚才还灰蒙蒙的天空，就不可遏制地亮了。

锦绣的目光越过水面上浮着的一层薄雾，看见了远处山脚下的坡落镇。今天是圩日，坡落镇上那些卖肉卖菜的，卖鞋卖袜的，卖衣卖布的，已经开始忙碌着摆摊了。就是那山弄里来赶圩赶得早的，也都挑着几只土鸡或是一些诸如竹鼠、野生淮山芋之类的山货来到坡落街头了。

锦绣赶到坡落镇街头的时候，卖鱼的大头覃早已在自己的摊位前忙开了。锦绣把肩上挑着的两个连水带鱼的塑料桶放在大头覃的摊位前，说，覃哥，好生意哈，给你送钱来啦！

每次拿鱼来给大头覃帮卖，为了图吉利，锦绣都这么跟大头覃说。

大头覃卖的是人工养殖的鱼，锦绣拿给他帮卖的是野生的河鱼，这与他的生意并不冲突。当然，大头覃也是完全可以从中捞个差价的，但他没有那样做。他很乐意帮锦绣的忙，他觉得锦绣一个弱女子，真够不容易，也真够命苦的。

(1)