Vanzgyangh Mauznanzcuz Sw- ciyen daj bi 2006 hengzguh gij hanghmoeg hwngfat minzcuz vunz haemq noix doxdaeuj, gonqlaeng buedcienz 10 lai ik maenz yungh guh hwngfat gak loh saehnieb dieg minzcuz vunznoix, aeundaej cingzcik yienhda.

It dwg coicaenh gak minzcuz gvanhaeh bingzdaengj. Comzyawj gij vwndiz ndwenngoenz vunzlai minzcuz aeu gaijgez haenx, laebdaeb gyalai buedcienz, haenqrengz doicaenh hwnjguh giekdaej sezsih, mboujduenh gaijndei gij diuzgienh guhhong gvaq ngoenz vunzlai minzcuz vunznoix, hawj vunzlai minzcuz ndwenngoenz engq miz、gyauyuz engq doh、yawj bingh engq fuengbienh、okrog engq bienhleih, hawj vunzlai minzcuz yied daeuj yied lai ndaej roxnyinh vuenyungz, coicaenh gak minzcuz gvanhaeh bingzdaengj.

Ngeih dwg gyalai gak minzcuz doxgyau vwnzva. Bangrengz doxgyau hwngfat minzcuz vwnzva, doenggvaq byaij okbae caeuq cingj haeujdaeuj, gyagiengz gij hozdung senhconz caeuq doxgyau vwnzva, dap aen bingzdaiz gak minzcuz vwnzva doxhag、doxyungz. Haeujlaeg minzcuz doxgiet cinbu gyauyuz, coicaenh gak minzcuz dox baedauq doxgyau doxyungz. Gyagiengz hong baujhoh aenmbanj miz daegsaek minzcuz vunznoix, haenqrengz vatcimh、swnjcienz caeuq baujhoh gij vwnzva conzdungj maenhndei minzcuz vunz- noix, doenggvaq bienraiz gojgaeq ndawbiengz、bienraiz fwen minzcuz、guh doxdax dinfwngz daengj gyagiengz gak minzcuz vwnzva doxgyau, louz gij vwnzva ndei minzcuz.

Sam dwg coicaenh gak minzcuz caezcaemh hoenghvuengh. Giengzvaq hwnjguh vwnzva、gyaudoeng、suijli、lajmbanj goengyungh giekdaej sezsih dieg minzcuz, comzyawj gij hojndoq， cinjcing okrengz, bangrengz vut gungz gunggeng, vih minzcuz hwngfat ok- rengz, guh ndei giekdaej, gaijndei ndwenngoenz beksingq, caezcaemh hoenghvuengh hwngfat.

(Mungz Siyiz)