Geij bi neix daeuj, Hozciz Si Yizcouh Gih cungfaen leihyungh gij yenzsu vwnzva daegsaek Liuz Sanhcej, haenqrengz guh ciet lijyouz vwnzva Liuz Sanhcej Yizcouh daengj ngoenzciet binjbaiz, baengh langhbaij daegsaek, bangdoi vwnzva lijyouz canjnieb daez- caet hwngfat.

Daezsang gij mingzdaeuz lijyouz vwnzva minzcuz. Daj bi 2010 daengz seizneix, Yizcouh gaenq laebdaeb banh le 9 gaiq ciet lijyouz vwnzva Liuz Sanhcej Yizcouh Guengjsae. Ciengqgok gij lijyouz binjbaiz miz daegsaek vwnzva “mbanjranz Sanhcej·fwenhaij Yizcouh”, lijyouz canjnieb hwngfat hoenghhwd.

Daezsang gij rengz yingjyangj lij- youz vwnzva minzcuz. Youq mboengq gvaq ngoenzciet, yawjnaek gyagiengz caeuq dieg mizmingz lijyouz guek ndaw guek rog doxgyau vwnzva, rengzrwd daezswng gij mingzdaeuz lijyouz vwnzva Yizcouh. Binaengz banh aen yalingyingz doxgyau yenzgiu hagsib gozci, senjleh “sijcej cingzngeih”aen yalingyingz dox- gyau yenzgiu hagsib gozci vwnzva Liuz Sanhcej, hawj yienghsiengq hawsingz “mbanjranz Sanhcej·fwenhaij Yizcouh”byaij coh seiqgyaiq.

Gyalai cingzsoq ciemqmiz lijyouz hawciengz. Yawjnaek cauhmoq gij vunqsik guh ngoenzciet, dawz gij vunq- sik gaxgonq guh ciet lijyouz vwnzva comzgyonj、dinghseiz、yawjngonz, cienj- bienq baenz gij vunqsik daengx bi guh ngoenzciet, mboujduenh yinx bouxhek rog gih ndaw gih、bouxhek rog guek ndaw guek daeuj Yizcouh lijyouz yawj gingjsaek、douzcienz guh canjnieb.

Hawj lijyouz vwnzva minzcuz lai mizik. Yawjnaek guh ndei aen hozdung ngoenzciet caeuq swnjcienz vwnzva minzcuz doxgiet hwnjdaeuj, caeuq hwnjguh hawsingz、dieggingj doxgiet hwnjdaeuj, caeuq hong lijyouz cinjcing vut gungz doxgiet hwnjdaeuj, haenqrengz cingjceih gij veiswngh vanzging、gyaudoeng cizsi、lijyouz cizsi hawsingz caeuq dieggingj, caemhcaiq cauh rangh guhyiengh lijyouz bang- gungz rangh Dahyagen, daiqdoengh vunzlai gungzhoj gyavaiq vut gungz.

(Veiz Dunghcwngz)