Ndwen 7 ngoenz 30, youq aen suen makmizhouzdauz ndaw nding “cien moux cien ranz”Lozcwngz Mulaujcuz Swciyen Dunghmwnz Cin Bingzloz Cunh, vunzlai cingq nyaengq sou makmizhouzdauz ndaw nding.

Ciuq cam rox, aen yienh neix aeu hawj moix ranz diegsenjyouq moux makmizhouzdauz he dangguh canjnieb faenhoengz, moix ranz laebdaeb ndaej 10 bi. Seizneix, aen suen makmizhouzdauz ndaw nding “cien moux cien ranz” aen yienh neix gaenq ndaem makmizhouzdauz ndaw nding 1200 moux. Bi 2018 gaenq dawzmak 400 lai moux, sou ndaej mak daengz 50 dun, 152 ranz ranzgungzhoj diegsenjyouq faenbied ndaej 2000 maenz faenhoengz. Bi 2019 dawzmak 700 lai moux, seizneix gaenq baenz sou, gujsuenq sou ndaej 1000 dun, dij 160 fanh maenz, rengzrwd gaijgez gij vwndiz vunzlai diegsenjyouq laebdaeb hwngfat.

(Liu Gvanghfuz/廖光福)