Ndwen 7 ngoenz 24 banhaet, youq ndaw aen camh hagsib rog hag gyaj- seizhwngq nyezrauh Duzdung Cin daeuj 50 lai boux lwgnyez dwggyaez, aen cin neix dieg youq baihsaebaek Gvangjsih Sanhgyangh Dungcuz Swciyen, dieg gapgyaiq Huznanz Gveicouh Gvangjsih, aen hozdung gij laex gietnieb camh hagsib youq gizneix banh. Youq gij laex gietnieb yienhciengz, miz haujlai bouxlaux daeuj camgya, cungj maqmuengh lwgnyez hag ndaej ndei.

Yienhciengz hozdung, gyoengq lwgnyez doxlwnz hwnj daiz ciengqgo diuqfoux, langhbaij gij dinfwngz youq ndaw camh hagsib hag ndaej haenx. Gyoengq bouxlaux daeuj camgya hozdung haenx angqyangz dangqmaz, youq mwh hozdung gietsat caeuq gyoengq lwgnyez caez ciengqgo, caemh diuqfoux.

(Houz Gvanghyouj/侯光友)