Ndwen 7 ngoenz 26, Liujcouh Si Swhfazgiz youq Yizfungh Gunghyenz Aen Gvangjcangz Canghfwen banh doxdax eu fwen bujfaz gaiq daeuz Liujcouh Si “soengqlaex 70 hopbi ciengqgok fapceih Liujcouh”. 8 aen doih fwen daj Liujcouh Si、Liujcwngz Yen、Luzcai Yen、 Yungzsuij Myauzcuz Swciyen daengj daeuj haenx camgya doxdax, caemhcaiq hopheux “fapguek”“fap baujhoh lwgnyez”“fap guhhong ancienz”“fap baujhoh vanzging” daengj 14 aen ciendaez guh doxdax doiq fwen、dap ciengq. Gyoengq canghfwen yungh gij fwen ndei riu、ngaih rox haenx cienzdoh gak loh faplwd cihsiz hawj gyoengqvunz. Doengzseiz, hozdung yienhciengz lij gyahaeuj hothoh camdap faplwd cihsiz miz ciengj dem, ndaej daengz bouxyawj youq yienhciengz haenh. Yungh fwen cienz fap hawj senhconz fapceih hoengh hwnjdaeuj, soengq donq ngaiz cienz fap ndeu bae hawj gyoengqvunz.

(Fu Yungjsinh/傅永新)