●Ndwen 7 ngoenz 23, Sihbwz Gunghyez Dayoz、Yungzsuij Myauzcuz Swciyen Yenveij Cujcizbu lienzhab youq Yungzsuij Myauzcuz Swciyen Anhdai Yangh Gyanghcuz Cunh guh doenghgij hozdung yawj bingh mbouj aeu cienz、giensoengq doxgaiq daengj. Ganbu ciz- gungh cujcizbu giensoengq doxgaiq、gyoengq canghyw yawj bingh mbouj aeu cienz haenx ndaej daengz gyoengq vunz dangdieg angqcoux.

(Liu Swjyenh)

●Ndwen 7 ngoenz 27, Sanhgyangh Dungcuz Swciyen banh aen hozdung baij gai doxgaiq cauhnieb aen hoih ciu vunz bi 2019 daihhagseng bizyez diegyouq Sanhgyangh ciepcuk mbanjranz caeuq couhnieb banggungz, ca mbouj geijlai bak aen giyez yungh yienhciengz ciu vunz、baij gai huq daegbied daengj hingzsik, gunghawj guhhong gangjvei hawj daihhagseng bizyez, mboujduenh coicaenh siufeiq banggungz.

(Gungh Bujgangh)

●Bineix doxdaeuj, Lingzyinz Yen Cauzlij Yauz- cuz Yangh Yangznangz Cunh aen doih guhhong vut gungz gunggeng ciuq dieg bae guh, sonyinx vunzmbanj haenq- rengz san huq faexndoek doengzseiz, gyalai gyagoeng rangz, vunzmbanj yungh seiz- hoengq hwnj bya sou rangz moq, gai hawj lauxbanj hwnj ranz soucawx, ginggvaq gyagoeng baenz buenqcingz- binj le gai bae Cezgyangh daengj dieg, daiq nungzhoh caeuq ranzgungzhoj laisou.

(Loz Hihhaij)

●Ndwen 7 ngoenz 26, Sihlinz Yen yungh aen cawj- daez dwg“gikcingz bogfeiz, caezgvaq cietndei”, youq minzcuz gvangjcangz guh aen hozdung cietbogfeiz Yizcuz cezmuz lai cungj lai yiengh. Soengq roegvaiqguhvaiqguz、guh ceiz、biujyienj ciengqgo diuqfoux、aen vanjvei dong- feiz daengj cezmuz ndeiyawj, yinx ndaej geij cien vunz bouxhek caeuq vunzlai dang- dieg caez angqgvaq cietndei.

(Lij Sivaz)