Ndwen 7 ngoenz 20 banhaemh, aen hozdung cunzyienj cienciengz ciengq go’nding gij hozdung baenzdauq Bingzgoj Yen angqhoh Cunghvaz Yinzminz Gunghozgoz laebbaenz 70 hopbi caeuq geiqniemh Baksaek Gijyi 90 hopbi youq Daibingz Cin aen yienh neix haidaiz.

Hozdung doenggvaq yienjciengq go’nding gwzming, hawj vunzlai engq ndei roxyiuj gij lizsij gwzming Baksaek Gijyi, ciengqgok gij yaem’wenq danqhaenh Cungguek Gungcanjdangj、danqhaenh Baksaek Gijyi、danqhaenh bouxdaiqdaeuz gwzming, gikcoi gyoengqvunz mbouj lumz goeknduj, geiqmaenh sawjmingh, haenqrengz baenaj; roengzrengz aeu go’nding Baksaek Gijyi caeuq gij neihanz vwnzva Bouxcuengh dox giethab. Mwh yienjok, 《Yingjsanhhungz》《Cib Soengq Hungzginh》 《Hungzsingh Rongh Gou Bae Hoenx Ciengq》 daengj hot dem hot go’nding goksad haprwenz, ciengqgo diuqfoux, vunzlai yawj ndaej yinx raixcaix.

(Yiz Ciz/余 执)