Mboengqneix, Gvangjsih Gohgi Dayoz bae daengz Yungzanh Yen Swdingj Cin haiguh aen hozdung gyajseizhwngq bae ndawbiengz lienhguh “sam roengz mbanj” bi 2019, yungh gij hengzdoengh saedsaeh bangrengz cinjcing banggungz, fugsaeh aen canloz saenqhwng lajmbanj. Doenggvaq lienhguh dangciengz bang sonsaw, hawj gyoengq lwgnyez diegbya gungzhoj gvaq aen gyajseizhwngq angqyangz、 miz yiyi ndeu.

Ciuq cam rox, aen hozdung bae ndawbiengz lienhguh “sam roengz mbanj” Swdingj Cin bi 2019 Gvangjsih Gohgi Dayoz gungh baij 11 aen doih fugsaeh, gyoengqde bae daengz Sougiz Cunh、Yuznanz Cunh、Swdingj Cunh daengj hingzcwngcunh, haiguh hozdung gyajseizhwngq bae ndawbiengz lienhguh guh aen singhgiz ndeu, gyoengqde giethab gij daegdiemj ndanggaeuq, hai dangz vehveh、yienjheiq、Yinghyij、gohgi daengj, hawj gyoengq lwgnyez damqra gij aumiz gohgi, ndanggaeuq doenghfwngz bae roxnyinh gij yinxdaeuz cihsiz, vih diegbya gyauyuz banggungz ok faenh rengz ndeu.

（Veiz Yungzginh/韦荣军）