Ndwen 7 ngoenz 5, Sanhgyangh Dungcuz Swciyen Gujyiz Cin Gyanghconh Siujyoz banh gij laex cuengqgyaj haggeiz seizcin bi 2019, aen hagdangz neix doenggvaq Guengjdoeng Guengjsae banggungz doxgap Guengjdoeng Sengj Vuzconh Si ndawbiengz gien simndei banggungz, daengx hagdangz 140 lai boux hagseng youq geizbyai gaujsi ndaej ciengj, hagdangz ciengj hawj duz byaleix 2 gaen lai naek caeuq daeh gojdung ndeu, hawj bohranz caeuq lwgnyez caez faenyiengj gij angqyangz gauj ndaej ndei, muengh daengxcungq hagseng hag ndaej ndei, daengzcog gauj ndaej daihhag, gikfat daengxcungq lwghag senj dieg banggungz anceiq haenx engq roengzrengz, daj iq laebceiq yungh sawda gaijbienq diuzmingh.

Geij bi neix daeuj, Sanhgyangh baengh Guengjdoeng Guengjsae banggungz doxgap, haenqrengz doicaenh gyauyuz banggungz, doenggvaq gien cienz hwnjguh Gyanghconh Siujyoz caeuq Gyanghconh Cunghyoz, laeb cienzciengj banghag, baij lauxsae ndei bang sonsaw caeuq simndei banghag daengj banhfap lai, haenqrengz bang lwghag Mbanjdung lai doegsaw.(Gungh Bujgangh/龚普康)