●Ndwen 6 ngoenz 29, Swcigih Veigenveij cujciz dangjyenz lauxhangz 10 lai aen yihyen bae Lungzswng Gak Cuz Swciyen gak yanghcin guh aen hozdung dangjyenz gagnyienh fugsaeh aen cawjdaez dwg “bang- gungz yawjbingh mbouj aeu cienz raeuj sim vunz”, haiguh fugsaeh camcaz、fat yw mbouj aeu cienz caeuq fat ceksaw senhconz cangq- heiq, soengq cangqheiq caeuq raeuj bae hawj gyoengqde.

(Banh Cisiengz)

●Ndwen 6 ngoenz 26, Nazboh Yen Yinzminz Faz- yen lienzhab Yen Ginduz- ban、Genjcazyen daengj lai aen bouhmonz guh aen hozdung senhconz gimqdoeg. Baez senhconz hozdung gimqdoeg neix, Nazboh Yen Fazyen guh le banjbau senhconz gimqdoeg、mbaw- dan senhconz gimqdoeg daengj, caemhcaiq gangj gij sienghaih huqdoeg、gij loh huqdoeg daengj mizgven faplwd cihsiz hawj ginzcung, caenh’itbouh daezswng gij yisiz gimqdoeg ginzcung.

(Nungz Cizyinh)

●Bineix, Denhdwngj Yen haenqrengz hwngfat dajndaem mak, hwnjguh dieg guhyiengh、suen guhyiengh、diemj guhyiengh nungzyez daihneix 54 aen, ciuq dieg bae guh sonyinx ginzcung dajndaem makit、makleiz、makgam makdoengj daengj, nangqdaengz daengx yienh 4251 ranz ranzgungzhoj daj- ndaem mak laisou baenz miz.

(Ouh Vazhingh)

●Ndwen 6 ngoenz 27 banhaemh, Lozcwngz Mulaujcuz Swciyen Dungh- mwnz Cin cujciz 11 aen doih yienjheiq lajmbanj bae daengz Minzcuz Vwnzva Gvangjcangz yienhsingz, guh aen vanjvei yienjheiq“gohoengz soengq hawj dangj” angqhoh “caet it”, 168 boux bouxyienj ciengqgo diuqfoux, danqhaenh Cung- guek Gungcanjdangj, danq- haenh seizdaih moq, langh- baij gij cingsaenz gaenx- maenx doxhwnj gyoengq ginzcung mbanjbya Mulauj.

(Vuz Haijlinz)