Gyaeqgaeq doj、gyaeqbit doj、cazyouz bya……Youq ndaw aen cauhsi simndei densangh banggungz Lingzyinz, doxgaiq doj baij rimrwdrwd yinx ndaej bouxhek buek dem buek daeuj cawx, roxnaeuz doenggvaq gwnz muengx roengz dan. Seizneix, aen yienh neix aen bingzdaiz denswj sanghvu gyoepsuenq fugsaeh ranz- gungzhoj 3.96 fanh vunzbaez, daiqdoengh ranzgungzhoj 1519 boux couhnieb.

Geij bi neix daeuj, aen yienh neix cungfaen leihyungh seizgei cauhlaeb aen yienh guhyiengh cunghab denswj sanghvu haeuj lajmbanj, haiguh aen hozdung densangh banggungz, cauh- laeb dieg fugsaeh. Seizneix, daengx yienh gaenq laebbaenz aen cungsim fugsaeh yienh gaep(aen cauhsi simndei densangh banggungz) aen ndeu、aen cungsim fugsaeh yanghcin 7 aen、aen cungsim fugsaeh cunh gaep 98 aen, gwnz densi caeuq hozdung ndawbiengz gaisau doigvangq cazbwzhauz Lingz- yinz、gaeqnohndaem Lingzyinz、dangz- rwi Lingzyinz、 makgak daengj dox- gaiq.

Dieg fugsaeh denswj sanghvu ngoenz ndei gvaq ngoenz gunghawj fuengbienh hawj vunzmbanj youq gwnz muengx cawx doxgaiq, doengzseiz yinx ndaej engq lai bouxcoz、vunzguhnaz dauq ranz douzcienz guh densangh. Swcwngz Cin Sangmungz Cunh bouxcoz dauq ranz cauhnieb Luz Dingloz daj bi 2016 hainduj ciengx rwi, caemhcaiq laebbaenz gunghswh guh densangh. Bi’gvaq, de doenggvaq aen bingzdaiz densangh gai 300 lai goenggaen dangzrwi, souhaeuj 4 fanh lai maenz.

Linghvaih, aen yienh neix lij dazyinx densangh giyez guh hong gapdoiq bangfuz dem, gunghawj bang- fuz caeuq sonyinx vunzlai gungzhoj. Swcwngz Cin Lungjcau Cunh aen giyez guh caz yungh gij vunqsik “dangj- cihbu+gunghswh+dieggoek+hozcozse+nungzhoh”, hawj ranzgungzhoj doeng- gvaq haeujguj caeuq caeuqfaenh ndaem、 guenj、 mbaet ndaej leih’ik, caemhcaiq yungh gyaqcienz sang gvaq hangzgyaq soucawx mbawcaz ranz- gungzhoj, lij bang ranzgungzhoj doenggvaq densangh gai doxgaiq dem, gikfat gij yiedcingz vunzlai gungzhoj gaenx guh baenz miz.

(Ya Hungzveih)