Ndwen 6 ngoenz 16, vunzlai Luzcai Yen Cunghdu Cin Dayauz Cunh cingq mbaetsou rongz- cehngaeux, seizneix, aen cunh neix 1300 lai moux ngaeux cugyamq daengz seiz baenz mbaet rongz- cehngaeux. Dayauz Cunh dieg youq diegrin diegbya diegrungh Guengjsae, youq diegrin diegbya gungzhoj cauh rangh yawjngonz lijyouz nungzyez cien moux va- ngaeux, yinx bouxhek rog bya daeuj yawjngonz youzcet. Ngoenz haenx dwg ngoenz singhgiz, bouxhek daeuj youz lai daengz 1000 lai vunz, mbangj bouxhek daejniemh mbaet rongzcehngaeux, mbaet ndaej rongzcehngaeux hai cienz hawj vunz ndaem ngaeux aen 2 maenz. Ciuq cam rox, baenz buek soucawx rongzcehngaeux moix goenggaen gyaqcienz 5 daengz 6 maenz, vunzmbanj ndaem ngaeux byaij ok diuz roen moq vut gungz baenz miz ndeu.(Lai Genveih/赖建辉)