Mboengqneix, Liujcouh Si Cwngz- cungh Gih youq Minzcuz Saedniemh Siujyoz banh aen hozdung minzcuz minzsuz haeuj hagdangz doxgyau langh- baij “cienz cingz Mbanjcuengh, caez hwnjguh aen loqsiengj Cungguek”. Baez hozdung neix neiyungz lai cungj lai yiengh, miz danz gimz、 boq venz caij din venz, lijmiz foux lungzdaengq 《Mbanj- cuengh Angq Fwen》feihvuzciz vwnzva Bouxcuengh Gvangjsih, biujyienj foux lungzdaengq gya hwnj gij fwen damz- raih minzcuz doih habciengq hagdangz, gij heiqfaenh minzcuz naekgywdgywd, yienh ok gij yinxdaeuz minzcuz vwnzva. Gyoengq bouxhek caeuq bouxyawj caeuqfaenh baez hozdung neix ndaej roxnyinh gij yinxdaeuz dwkdomq caeuq diuq fouxsaux; yawjngonz gij veh buenzceij langhbaij “Mbanjdung gyaeu- ndei” haenx; yawjngonz gij doxgaiq labnyumx yienh’ok dinfwngz ndaw- biengz caeuq minzcuz vwnzva lai cungj lai yiengh lwgminz Myauzcuz haenx.

Geij bi neix daeuj, aen si neix Cwngzcungh Gih Minzcunghgiz dingj- maenh aeu minzcuz vwnzva haeuj hagdangz dangguh gij neiyungz youq- gaenj hong ngoenznaengz, yungh lai cungj banhfap, bangrengz haiguh hong minzcuz vwnzva haeuj hagdangz. Baez hozdung neix hawj gyoengq lauxsae hagseng caeuq bohranz youq mwh hozdung roxnyinh gij yinxdaeuz daegbied gagmiz minzcuz minzsuz vwnzva, daezsang gij yisiz minzcuz doxgiet, gyagiengz minzcuz gagsaenq caeuq roxnyinh minzcuz miznaj, vih gyagiengz gak minzcuz doxgiet caeuq doxhag, doxcoi doxbang, caezcaemh cauh’ok gij heiqfaenh aenbiengz ndei.

(Liuz Linz Hij Yajyouh)