Ndwen 6 ngoenz 7, ngoenz haenx dwg ciet ndwenngux co- ngux. Liujcouh Si Yungzsuij Myauzcuz Swciyen Mung’vuh Mbanjmyauz banh aen hozdung “haeux bak ranz faengx cien vunz”, guh aen faengxmeh 198 gaen, yungh fwnz coemh cawj 24 diemj cung le, hawj bouxhek caez gwn mbouj aeu cienz, caezcaemh geiqniemh Giz Yenz.

Ciuq cam rox, aen faengxmeh neix raez 1.39 mij, gvangq 0.90 mij, sang 0.39 mij, yungh liuh gungh 198 gaen, yungh rongfaengx 3600 lai mbaw. Liuh ndaw faengx cungj dwg gij gwn mbanjbya Yungzsuij, miz bit Yungzsuij、raethom、duhheu、haeuxcid nding、lwglaed daengj, yungh 2 diemj lai cung suek baenz.

(Liu Swjyenh/廖子渊)