Ndwen 5 ngoenz 17 banhaemh, ciet dijyuz Guengjsae gaiq daihcib’it (Lozcwngz Mulaujcuz Swciyen faenhoihciengz) nem Lozcwngz heiqbaizgiuz、yijmauzgiuz、binghbanghgiuz doxdax youq Lozcwngz Mulaujcuz Swciyen Dijyuzgvanj haidaiz, vih angqhoh Cunghvaz Yinzminz Gunghozgoz laebbaenz 70 hopbi cauh’ok gij heiqfaenh angqyangz、cangqheiq doxhwnj. 64 aen doih daj Hozciz、Yizcouh、Lozcwngz、Laizbinh daengj yienh(si) daeuj camgya doxdax, soengq ciengz doxdax ndeiyawj ndeu daeuj hawj gyoengqvunz Mbanjmulauj.

(Mungz Cwnghswh/蒙增师)