Geij bi neix daeuj, Lingzyinz Yen yungh gyalai vunzguhnaz souhaeuj guh moegbiu, haenqrengz diuzcingj caeuq guhndei nungzyez canjnieb gezgou, gyalai doicaenh gij canjnieb ndaem gonengznuengx ciengx nonsei, bang- rengz vut gungz gunggeng, daengx yienh ndaem gonengznuengx ciengx nonsei guh ndaej ndei, boux ciengx nonsei souhaeuj ndaej gyalai.

Cwngcwz daiqdoengh miz bauj- cang. Aen yienh neix okdaiz gij cwngcwz hawjleih ndaem gonengz- nuengx ciengx nonsei, aenmbanj ndaem gonengznuengx ciengx nonsei baenz doengh, coihguh roen canjnieb caeuq roen bae reihnaz hawj gonq, caemhcaiq gaijgez yungh raemx caeuq ranz ciengx nonsei daengj dieggoek sezsih. Doengz- seiz, okdaiz gij cwngcwz bang ngaenz- cienz, yungh dinfaex gonengznuengx、lwg nonsei、bwnh、hwnjguh ranz ciengx nonsei daengj boujcienz cwngcwz caeuq banhfap, gemjmbaeu diuzrap ranz ciengx nonsei yungh ngaenzcienz, hawj gyoengq vunzlai gaenxmaenx ndaem gonengznuengx ciengx nonsei, doidoengh canjnieb hwngfat.

Son’gyauq dinfwngz hawj hwng- fat. Aen yienh neix cingj lauxhangz cungjcamh hangz nonsei swcigih daeuj hwnjdangz son’gyauq ciengx nonsei, miz boux ciengx nonsei caeuq boux- gisuzyenz yienh、yangh caeuq mbangj boux guzgan ciengx nonsei 120 vunz- baez caeuqfaenh; doengzseiz， boux- gisuzyenz yienh、yangh caeuq boux- gisuzyenz vunzguhnaz bae mbanj son- gyauq、sonyinx ndaem gonengznuengx ciengx nonsei, dawz gij dinfwngz ndaem gonengznuengx ciengx nonsei son- gyauq hawj engq lai vunzguhnaz.

Hwnjguh fugsaeh ndaej daezswng. Hwngfat gij canjnieb ndaem gonengz- nuengx ciengx nonsei, Lingzyinz Yen hopheux dajcauh “mbanj ndeu yiengh ndeu” canjnieb hwngfat gwzgiz, mboujduenh gyalai ranz dajndaem dajciengx lai, daengx yienh miz ranz ndaem gonengznuengx ciengx nonsei lai ca mbouj geijlai 1000 ranz. Aen yienh neix yungh aen dijhi fugsaeh canjnieb nonsei aen gihgou guenjleix caeuq fugsaeh guh cawjsienq hwnjguh haenx, baenz gij rengz youqgaenj doidoengh canjnieb hwngfat.

(Veiz Fucwngh Veiz Yadingz)