●Ndwen 5 ngoenz 12(liggaeuq ndwenseiq cobet) dwg ciet hawfwen Denzyangz Yen Bahbez Yangh, aen yienh neix swhfazgiz cujciz bouxguhhong bae hawfwen haiguh aen hozdung senhconz fapceih. Ciuq gyoepsuenq, baez hozdung neix gungh fat gak loh senhconz swhliu 3000 lai faenh、daeh cawx doxgaiq yaenq miz faplwd cihsiz 2500 lai aen, bangj- ndang bujfaz 600 lai mbaw, venj fuk baengzhoengz 5 diuz, ndaej daengz gyoengq vunzlai haenh.

(Vangz Hungzdungh)

●Mboengqneix，Liuj- couh Si banh bi 2109 Liuj- couh Si bouxcoz nyezrauh doxdax gohyoz suciz, doxdax miz bouxcoz nyezrauh doxdax vunzgihgi、dungxcaiz vunz- guh doxdax hanghmoeg、canghgunghcwngz daengzcog hanghmoeg、saunenzgungh hagdangz lajmbanj 4 loh hung 21 aen hanghmoeg, 1100 boux bouxcoz nyezrauh hagseng daiqbiuj 550 aen doih daj 87 aen cungh siujyoz Liujcouh Si daeuj haenx caeuqfaenh doxdax.

(Liu Swjyenh)

●Geij bi neix daeuj, Ginhsiu Yauzcuz Swciyen doenggvaq dajcauh rangh lijyouz lajmbanj “luengq- hongh fungcingz Mbanjyauz bak leix”, fatok gijndei swhyenz Yauzcuz minzsuz vwnzva daegsaek caeuq yawjngonz aenmbanj conz- dungj, cugyamq guhbaenz gij hwngfat gwzgiz lijyouz lajmbanj lai yiengh “mbanj ndeu yiengh ndeu daegsaek ndeu”, daiqdoengh vunzlai caezyiengj lijyouz hwngfat hoengzleih, bangrengz saenq- hwng lajmbanj.

(Gauh Yuzginh)

●Ndwen 5 ngoenz 18, Cungzcoj Si banh aen hoz- dung bi 2019 “ngoenz boz- vuzgvanj gozci 5·18” minz- cuz vwnzva senhconz haeuj segih. Ngoenzhaenx haiguh le biujyienj gofoux minzcuz、ciengj dap cihsiz bozvuzgvanj mizciengj、daejniemh daemj Mancuengh daengj hozdung, hawj gyoengq siminz lai nyinhdoengz vwnzva.

(Nungz Cauhvuj)