Duz ngwzdoeg lai yiengh,

Boux vunz doeg siengq yak,

Cug vunz mbouj yungh cag,

Fak vunz mbouj yungh fwngz.

Boux vunz lawz simndaem,

Cungj naemj bae haep vunz,

Haep daenj caiq haep gwn,

Mbwn cungj mbouj nyiengh de.

Ga dawh nanz dingj mbwn,

Vunz dog nanz guh saeh,

Daihgya hwnjdaeuj caez,

Bae cawz doeg caeuq yak.

Boux simndaem hab dai,

Boux yak lai aeu cawz,

Ndaw mbanj caeuq gwnz haw,

Mbouj hawj miz doegyak.

Mou hung miz boux gaj,

Max sang miz boux gwih,

Doegyaek dwg vunz rwix,

Aeu swiq seuq cij baenz.

Doegyak hangz vunz gwn,

Bouxboux ndaenq ndaw dungx,

Bouxgeq lienz bouxhung,

Vid fwngz cawz seuq bae.