Geij bi neix daeuj, Majsanh Yen Bwzsanh Cin dawz gij vwnzva gyong- hoih Bouxcuengh caeuq lajmbanj lijyouz dox giethab, gyoengq vunzmbanj daj ndaw vwnzva lijyouz yungzhab neix ndaej hoengzleih saedsaed caihcaih.

Ciuq cam rox, Bwzsanh Cin Gyauzmeij Cunh dwg dieggoek gij vwnzva gyonghoih Bouxcuengh ndawde dieg ndeu, haujlai dieg Bwzsanh Cin cungj miz gij cienzdoengj doxdax gyonghoih guh’angq, geij bi neix daeuj, Bwzsanh Cin mboujduenh vatcimh gij vwnzva gyonghoih Bouxcuengh, laeb- daeb ciengqgok gij binjbaiz lijyouz gyonghoih Bouxcuengh miz minzcuz vwnzva daegsaek, haujlai bouxhek daeuj yawjngonz gyonghoih, caeuq vunz aen cin neix caemh guhcaemz guh’angq. Vih gaijgez gij vwndiz gyoengq bouxhek gwn ndoet caemz angq, aen cin neix laebdaeb yinx ngaenzcienz ndawbiengz douzcienz hwnjguh swnggaep “aen cin’iq byadah” Majluz Bengih、Gamj- guenyaem Minzcuz、aen nungzcangh swnghdai bya heu raemx saw Dah- raemxhoengz、diegsuen youq gwnz raemx guh’angq giujgizlungz daengj lijyouz hanghmoeg, saedyienh gij moegbiu hawj gyoengq bouxhek “daiq maqmuengh daeuj, daiq habhoz dauq”.

Ciuq cam rox, bi 2018 doxdaeuj, Bwzsanh Cin gungh yinx ndaej 90 lai fanh bouxhek ndaw gih rog gih daeuj youzcet, daiqdoengh couhnieb 1000 lai vunz, cauh souhaeuj 700 lai fanh maenz. Aen cin neix yaek laebdaeb doicaenh vwnzva lijyouz yungzhab, doenggvaq yinx bouxhek daeuj Bwz- sanh Cin, hawj vunz dangdieg laisou, mboujduenh hawj vunz dangdieg ndaej leih’ik, bangrengz hwnjguh lajmbanj aen cin neix byaij hwnj mbaek lae moq.

(Liz Vwnzvaz)