Yinghmingz daiq nganxgingq daraiz, cimyawj bingzmu soujgih ngaenzrongh, baez cih baez cih cingqdeng doeg: Gyoengq beixnuengx baengzyoux, daengxcungq vunzlai danghnaeuz raen miz cib loih seiqlig simnduk baihlaj, cingj gibseiz gawjbauq hawj gungh’anh gihgvanh、gijgenj genhcaz bouh- monz、yienh sauqcawz seiqlig simnduk bangunghsiz: It dwg gak cungj simnduk seiqlig haephangz daengz guekgya cwngci ancienz. Ngeih dwg “bouxyak guenmbanj” gaemhanh cwngci ciemq aeu gij caiz- canj cizdij lajmbanj; “bouxyak baqyangh” hengz- manz ndaw yangh buqvaih lajmbanj cianh; “bouxyak baqcunh” leihyungh aen ranz cungcug cunghgyau seiqlig haephangz ranghdieg haenx; “bouxbaqcunh” “bouxbaqmbanj” caeuq “bouxbaqroen”gatduenh swhyenz, hangz cawx haep gai haenx.

Doeg sat le, lwgda Yinghmingz daix hwnjdaeuj, daj gwnz nganxgingq deq okdaeuj: Gyoengq beix- nuengx, ndaw Mbanjmaxhau bouxlawz dwg seiqlig simnduk?

Gyoengqvunz dinghcubcub, mbouj miz vunz dap vah.

Rumzhaemh cihuhu bongj gvaqdaeuj, duk dawz gij singyaem Yinghvuj le cij cienz okdaeuj: Gizlawz miz seiqlig simnduk? Mbanj raeuz bingzonj hwng- vuengh.

Miz geij boux vunz riengzlaeng doengzeiq dap naeuz: Deng, gizlawz miz doengh cungj vunz neix ya?

Gou nyinhnaeuz cib diuz neix lijcaengz gangj ndaej liux! Gij singyaem Yinghmingz daezsang hwnjdaeuj, de cigsoh yinx gaiq gyaqgiuz naeuz, hangz bouxnyieg baq vunzbaz, angj fouq ndauq cingz wnggai lied baenz diuz cib’it, hix mbouj ndaej luenh guh bw!

Miz vunz riuhwhw hwnjdaeuj, gingqyienz fit ok raemxda caeuq mug daeuj, vaiqdi uet bae, mad ndaej daengx naj ronghrig liux. Engq lai vunz cix haeb heuj haep bak dwk, saeknaj ngeizvaeg.

Sou yawj gou lumj boux seiqlig simnduk lwi?

Yinghmingz vut vwndiz okdaeuj le, dawz nganxgingq roengzdaeuj, liuq daengx ciengz. Mbouj miz vunz dap aen vwndiz de, rumz bongj caz faexcuk, hoengq gvangq hap yiengj. Daeggumqgoz cingq henx diuz ceuqmou ndeu, congh bak miz di mbieng he, hoeng seizneix hix mbouj geux lo, de gangjsebseb naeuz, go, mwngz baenzlawz ndaej yoegyamx bonjfaenh? Mwngz dwg bouxvunz ceiq miz bonjsaeh ndaw mbanj raeuz ndeu, youh rox saw, youh rox leix, dwg yangh yangh……heuh gijmaz la?

Bouxmaenh ndaw yangh. Yinghvuj bouj naeuz.

Deng, bouxmaenh ndaw yangh.

Gyoengqvunz hainduj cauzyoengyoeng lo, miz vunz hemq ndei, lij bek fwngz dem. Lumjnaeuz miz naed feiz ndeu sinz okdaeuj, doek roengz fwnzhawq le, dauqcungz dawz feizmbaw. Daengx ciengz nauh- yied lo, lwgda geij bouxcoz doxndomq vuengluenh dwk, lumjbaenz mbouj doxyaeng couh hab’eiq nei, gyoengqde gaem vanj hung bae gingq laeuj Yingh- mingz, baez dem baez gingq, gij sing riu sing hemq yiengj doh gyangmbwn.

Gwnzmbwn ngamq rongh lumj dungxbya nei, gij fubfeuz gwnz raemx daemzbya ronghyabyab, duzma ndaw mbanj raeuqvouvou, Daeggumqgoz caeuq geij bouxcoz okdou lo, dauqbae dajgoeng. Bang vunz neix simcingz naekgywggywg byaij youq gwnz haenznaz, seizneix miz singswenj youq baihlaeng cienz gvaqdaeuj.

Ok saeh lo, Auyingh ok saeh lo!

Yinghmingz gyad naengh youq ndaw ding, aen ndang mbang lumj mbawceij, lumj deng gijmaz doxgaiq naenx geij baez nei. Huq rueg youq gwnznamh baenz benq, gij haeuxbyaek haemhlwenz lij daiq miz caengz lwed he. Naengbak Yinghmingz leg dwk, lwgda lawqlanglang, lumjnaeuz bouxvunz seiqgonq nei. Daeggumqgoz ngauz aen ndang de, haenqrengz niuj bangqga de, hix mbouj doenghdanh saekdi.

Gaej foekfan lo, gou gaenq nyaengq baenz haemh lo, mbouj miz yungh. Canghyw ndaw mbanj fit gij lwed ndaw fwngz le naeuz, guenjlwed aen uk Auyingh mauhfung, byaij roen mbouj ndaej, hix mbouj ndaej gangjvah, daengzcog couh baengh aen eijloek neix lo.

Gij saeknaj gyoengq hauxseng fukcab raixcaix, ndawsim dauqfanj lumj duzyiengz nei buet diuq vaiqvued, hoeng cungj nyaenx dwk. Coenz raez coenz dinj camnai yaep ndeu le, byaij ok bakdou, bouxboux angqfwgfwg, Daeggumqgoz byaij gvaengx ndeu, lumh laep daeuj daengz coengceiz, coh aen eij faex swjdanz haenx, biq gong myaiz ndeu, leuxle dinga mbaeumbengq bae gyaep aen doih baihgonq lo.

Byaij daengz laj fai dah, mbwn gaenq ronghcingx lo. Baihlaeng yawj mbouj raen ngaeuz mbanj le, gyoengq hauxseng engqgya cuengqlangh lo. Gij baexmaed goenghai ndaw mbanj haenx, diuz ndauq lumj duzngaeuz gaenriengz baihlaeng haenx, couh lumj aen lauxbaeg deng ciemz ok gumz, gij mok mong ndawsim bouxsai okrog vad hix vad mbouj deuz haenx, baez sauq couh seuq, seizneix gaenq dwg mbwn gvengq fanh leix, daengzcog couh dwg demh swiz sang mbouj yungh you lo. Mbouj rox dwg bouxlawz haidaeuz, gyoengqde mbouj doxiu cix doengzcaez ciengq diuz go《Ngoenzneix Dwg Ngoenzndei》, riengzlaeng youh enj aek nyiengx gyaeuj ciengq《Hoengzsing Ciuqrongh Gou Bae Hoenxciengq》, singgo goksak rengzdwd, saenqdaenh ndaej daengx dah cungj miz singhap.

Mbouj ndei lo, Gimsambiz hoenx Yenleiz la!

Aen ruz ngamq liz hamqdah, boux vunzbaz daenj geubuh cagvenjmbaq haenx daj henz faexcuk buet okdaeuj, hemq dai swenj lix.

Gimsambiz dwg gij cohnoix goenggvan Yenleiz. De mbouj dwg mbouj dauqma gvaq batnyied cibngux ha?

Yawjraen gyoengq vunzsai doeksaetyat, boux vunzbaz daenj geubuh cagvenjmbaq haenx gaenq daejnganga lo, diuz cagvenjmbaq luet roengzdaeuj, aen aek cungj deng vunz loq yawj ndaej raen lo. De naeuz Gosambiz deng nguh ngoenz biuqci ndeu, haetromh neix ngamq daengz ranz, de baez haeuj dou, couh yawjraen bouxsai ndeu daj yangzdaiz diuq okbae.

Dwg bouxlawz? Ca mbouj geijlai gyoengqvunz doengzcaez cam.

Mbouj rox,bouxde lumjbaenz miz ngeihcib lai bi, cij yawjraen boux daenj vaqdinj samgak caeuq baihlaeng ronghngaeuz de.

Gyoengqvunz dauq sup gaemz heiqliengz ndeu.

Auyingh gaenq gyad lo, lij miz bouxlawz dem?

Dahraemxhoengz daj najdou Mbanjcuengh lae bae, mok raemx moengzloengz. Miz duzroeg gyaeuj hoengz rieng lamz ndeu, mbin gvaq najbyak, ba sing ndeu, gamz hwnj duzbya, yaep ndeu couh mbin ndaej mbouj raen ngaeuz mbouj raen riz lo.

(8 sat)

英明戴上老花镜，盯着狐亮的手机屏幕，字正腔圆念道：贝侬棚柚们（壮话：亲戚朋友们），广大人民群众发现农村有以下十类黑恶势力的，请及时向公安机关、纪检监察部门、县扫黑除恶办举报：1、威胁国家政治安全的各种黑恶势力。2、把持基层政治、侵吞农村集体财产的“黑村官”；横行乡里、破坏农村治安的“黑乡霸”；利用家庭、宗族、宗教势力称霸一方的“黑村霸”；垄断资源，强买强卖的“村霸”、“屯霸”和“路霸”。

念完了，英明眼光抬起，从镜框上方透射出来：乡亲们，白马村里谁是黑恶势力？

众人全都噤声，没人回答。

晚风噼里啪啦吹起，裹着英武的声音传来：哪来的黑恶势力？咱村太平盛世。

有几个人接二连三附合：对，哪来的这号人呀？

我认为这十条还不够全面！英明声音高了起来，他直直地指着球架说，欺男霸女，骄奢淫逸应该列为第十一条，也是不能迁就宽容的！

有人嘿地一笑，竟然甩出眼泪鼻涕，赶紧掐了，抹得满脸泛亮。更多的人却咬住了牙，表情木然。

你们看我像黑恶势力吗？

英明抛出问题，摘了眼镜，扫视全场。没人回答问题，风吹竹林，空洞回响。驼子在啃着那根猪鞭，嘴有些歪，但此时停止了咀嚼，他含糊不清地说，哥，您怎么能作贱自己？您是咱村最有能耐的人，又识字，又懂礼，是乡、乡……什么来着？

乡贤。英武补充。

对，乡贤。

人群起了微澜，有人呱呱叫好，还拍着手掌。犹如飞出一粒火星，落入干柴，重新燃起了温暖的火焰。气氛热烈了，几个年轻人眼神胡乱交流，像是不谋而合，他们拿着大碗给英明敬酒，一轮一轮地上，欢声笑语响彻夜空。

天空刚擦亮鱼肚白，鱼塘波光粼粼，村里狗吠阵阵，跛子和几个后生出了门，返程打工。一伙人心事重重上了田埂，却被身后凄厉的叫声揪住了。

出事了，英叔出事了！

英明瘫坐在厅堂里，身子薄如纸片，像被什么东西碾压过几遍。地上呕吐狼藉，隔夜的饭菜还带着一层粘结的血丝。英明嘴巴咧开，眼神呆滞，恍若隔世之人。驼子摇他身子，狠掐大腿，压根儿没有反应。

别折腾了，我已忙活一宿了，没用。村医抖着一手的血说，英叔脑梗中风，走不了路，也说不了话，今后就靠这轮椅了。

年轻人脸上表情错综复杂，心里却如羚羊在欢快奔跑，但都憋着。长吁短叹安慰一番，出了门已是春风得意马蹄疾，驼子拐了一个大弯，摸黑来到祠堂，冲着那个紫檀座椅，狠狠吐了一口浓痰，脚步轻快地追赶前边队伍去了。

下了河堤，天已全亮。身后村庄不见影子，年轻人彻底放纵了。村里那个公开的秘密，那个如影随形的淫根，就像老萝卜一溜儿被拔出坑，外出男人心头挥之不去的雾霾，一扫而光，此时已是万里晴空，今后便是高枕无忧了。不知是谁先起了头，他们先是心照不宣地唱起了《今天是个好日子》，接着又气宇轩昂高唱《红星照我去战斗》，歌声激情雄壮，震得满河皆音。

不好了，金三胖打艳蕾啦！

船刚离岸，吊带女人从竹边跑出，呼天抢地。

金三胖是艳蕾男人绰号。他不是没回来过中秋节吗？

见到男人们惊愕，吊带女人已哭得一塌糊涂，肩带滑落，胸脯隐约可见。她说三胖哥误了一天车票，今早刚到家，他一进门，便见一个男人从阳台跳了出去。

是哪个？几乎是异口同声。

不清楚，二十多岁模样，只看见一个穿着三角短裤和光溜溜背影的。

众人倒抽一口凉气。

英叔已经瘫痪，还会有谁？

红水河从壮乡门前流逝，烟波朦胧。有一只红头蓝尾的鸟儿，掠过前额，叭地一声，叼起鱼儿，瞬间飞得无影无踪。 (8 完)