Bineix liggaeuq mboengq ndwen- ngeih ndwensam, haujlai aenmbanj henzguek Ningzmingz Yen banh le ciet bofwen cienzdoengj, lumjbaenz liggaeuq ndwenngeih coseiq ciet bofwen Aiden Cin Nazdangz Cunh Mbanjvangyingh、liggaeuq ndwensam cibloeg ciet bofwen Dungmenz Cin Banjan Cunh、liggaeuq ndwensam ngeihcib ciet bofwen Cilang Yangh Baidaiz Cunh daengj, doeng- gvaq yungh ciet bofwen guh bingzdaiz, swnjcienz vwnzva minzcuz.

Mboengq haenx, gak mbanj guh doiq fwen、bengcag、ep bya、youq gyang raemx gaemh bit、 gvaq giuzfouz、yienj fouxgvangjcangz, senhconz gak loh cwngcwz roxnaeuz hangznieb、comz yienjheiq、guhcaemz caeuq gag ring doxgaiq daengj hozdung vwnzva guh- angq lai cungj lai yiengh, yinx ndaej vunzlai mbanj henzgyawj caeuq yanghcin henzgyawj, lijmiz bouxhek ndaw guek rog guek daeuj yawjngonz、guhcaemz.

Cwngfuj dangdieg daiq vunzlai baengh ngoenzciet minzcuz cienz- doengj, baengh dieg ndei henzguek, swyenz swhyenz lai, haenqrengz senh- conz caeuq langhbaij gij yinxdaeuz vwnzva daegbied bonjdieg, hawj engq lai vunz roxyiuj gijndei henzguek、gijndei swhyenz, ciu canghseng’eiq yinx ngaenzcienz, coicaenh gak minzcuz caezcaemh doxgiet buekguh, caezcaemh hoenghvuengh hwngfat.

(Sinh Gyahbingz)