Ndwen 4 ngoenz 24, Ningzmingz Yen Cilang Yangh giethab gij hozdung angqhoh ngoenzciet “sam nyied sam Bouxcuengh”, youq aen yangh neix Baidaiz Cunh Mbanjbaidaiz、Mbanj- sinhvanggyangh cujciz banh Baidaiz Cunh bi 2019 ciet bofwen vwnzva lijyouz.

Ngoenzhaenx, youq bakmbanj Mbanjbaidaiz caeuq Mbanjsinhvang- gyangh, ci caeuq bouxhek lai dangq- maz, vunzmbanj Baidaiz yiedcingz haenx, yungh hozdung lai cungj lai yiengh angqcoux bouxhek gak dieg, mbanj henzgyawj caeuq bouxhek yanghcin henzgyawj、vunzlai 2 fanh lai vunz daeuj caeuqfaenh、yawjngonz. Gofoux、yienj raizsaw vehveh, eu fwen、 fouxgvangjcangz、 ep bya daengj doxdax hanghmoeg, giuz- bibuengq、gaemh bya、gaemh bit daengj daejniemh hozdung, cimz gijgwn ndei daegsaek, aen vanjvei yienjheiq daengj baenzdauq hozdung, gunghawj aen bingzdaiz hawj vunz- mbanj、canghheiq ndawbiengz langh- baij dungxcaiz, vunzlai、bouxyienj ciengqgo diuqfoux, gangjok gij angq- yangz caeuq vuenyungz ndawsim. Baidaiz Cunh yungh aen seizgei baez hozdung neix, comz dangjyenz、cunh “song veij” ganbu gangj gij cwngcwz banggungz hawj vunzlai, hawj vunzlai lai roxyiuj gij cwngcwz banggungz, gyagiengz vunzlai gag rox buekguh vut gungz baenz miz.

Ciuq cam rox, ciet bofwen dwg ngoenzciet cienzdoengj Ningzmingz Yen, youq dangdieg gaenq miz bak geij bi lizsij. Baidaiz Cunh doenggvaq haiguh hong banggungz le yiengh- siengq bienqvaq hungloet, banh ciet bofwen lijyouz, engq ndei langhbaij gij yienghsiengq cingsaenz ndei vunz- mbanj.

(Cangh Haijyingh Vangz Gyanghmyauz Yangz Yijcingz)