Denzlinz mbwn raeuj va hai, youh daengz mwh yienj Heiqcuengh hoengh- hwd. Ndwen 4 ngoenz 23 daengz ngoenz 27, 68 aen doihheiq aen yienh neix youq Lozlij、Licouh、Giucouh、Luzlungz、Ding’anh 5 dieg aen yienh neix yienj 68 ciengz Heiqcuengh, hawj gyoengq vunz hawsingz lajmbanj Denzlinz gyaez Heiqcuengh haenx yawj mbat Heiq- cuengh gvaq yinx ndeu.

Denzlinz Yen dwg aen dieg Heiq- cuengh Baihbaek Cungguek, doihheiq Heiqcuengh honghoengq hawsingz laj- mbanj lai dangqmaz. Gij saedceij vwnzva honghoengq vunzlai loh nduj couhdwg yienj heiqdoj、yawj Heiq- cuengh. Ndaw yienh binaengz cungj youq seizcin banh comzyienj Heiq- cuengh. Bineix ngamjbungz swcigih banh aen hozdung “sam nyied sam Bouxcuengh·aen cietangq Betgveiq”, ndaw yienh caeux couh guh fueng’anq comzyienj Heiqcuengh bineix. Naemj daengz gij maqmuengh gyoengq vunz gyaez yawj Heiqcuengh hawsingz laj- mbanj caeuq gij iugouz yienjok hauj- lai aen doihheiq, mbiengj banh aen hozdung comzyienj Heiqcuengh giet- dingh gaijbienq gij gvenq binaengz comz daengz ndaw singz comzyienj, gaij baenz youq lai dieg yienj, fuengbienh vunzlai mbouj yungh bae dieggyae yawj heiq. Cawz neix, moix dieg lij miz ciengz hoihfwen dem. Comzyienj Heiqcuengh lai cungj lai yiengh, hawj gyoengq vunz gyaez yawj Heiqcuengh gvaq mbat yinx ndeu.

(Dai Denhminj)