“Baiq bouxgviq” cienz daengz seizneix, vunz- mbanj lauxsaed gig saenq mbouj ngeiz, ndwencieng coit gouz baiq “bouxgviq”, bimoq ndaej daiq seizheiq ndei hawj bonjfaenh. Daeggumqgoz mbouj ngeizvaeg saekdi, roxnyinh ciuhvunz bonjfaenh neix caen bungq daengz “bouxgviq”lo. Daeggumqgoz simgip rag hai yiemzcueng, cienq ndang gvaqdaeuj, yawj hwnjbae youh doeksaet youh hozhaenz, go, youq ndawmbanj raeuz, mwngz “gapboiq” liux geijlai boux vunzbaz?

Yinghmingz mbeujmbeuj bak coh aen soujgih, miz cohguen haenx couh dwg.

Daeggumqgoz daengx lwgda lumj duzmeuz nei, fwngzyinx ved aen bingzmuq souhgih sijsaeq geq. Diuz ien ca mbouj geijlai coemh dawz lwgfwngz Yinghmingz lo, Daeggumqgoz ngiengx gyaeuj hwnj- daeuj, go, miz 26 boux.

Cij miz 26 boux lwi?

Daeggumqgoz youh ngaem gyaeuj geq, lumj bouxgaemsoq gingqnieb nei. Gvaq yaep ndeu, Daeggumqgoz naeuz, dwg 26 boux, nanzdauh gou geq loek la? Daeggumqgoz lij siengj caiq geq baez ndeu, Yinghmingz mbouj hawj, lij riunyaen naeuz, noix geij boux, mbouj youqgaenj law.

Aen soq neix, gaenq lai gvaqbouh lo, Daeggumqgoz siengj cungj siengj mbouj daengz. Aen ukgyaeuj de gaenq deng mbongq congh lo, lumj duz maxcwx ndaej luet cag nei dauqcawq buet, yawjyawj, neix cij dwg cingzcik ronghsag bouxsai ak, hwhw! De youq ndawsim gag geq aensoq bonjfaenh, boux ndeu, song boux……geq daengz doeklaeng, sikhaek doeknaiq ngaem gyaeuj lo.

Go, gou lij mbouj gaeuq aen lingzdouz mwngz.

Yienghhaenx gangj mwngz lijdwg miz. Siengj mbouj daengz bw Gumqgoz, mwngz hix mbouj seuqcingh ne.

Daeggumqgoz fwt singjndiu, ndaw da doeksaet yupyap, simvueng ndwn hwnjdaeuj. Yinghmingz bekbek aen mbaq de, lumj nai boux beixnuengx doengzcaez doek raemx nei. Vah baez gangj ok bak, song boux cungj doxrox liux, gvaqlaeng aeu doxbang cij baenz.

Go, gou yiengq mehmbwn mieng, baenzbaenz mbouj gangj gij saeh mwngz okbae.

Gou hix dwg yienghneix.

Danghnaeuz gangj okbae, gou dai vang dai soh.

Raen Daeggumqgoz simvueng ndaej mbouj rox baenzlawz guh, Yinghmingz riuhaha, hoeng de mbouj gangjvah, cij saenzmaed dwk yaepyaep lwgda. Daeggumqgoz deqmuengh Yinghmingz hix gangj vahmiengdoeg, hoeng de cix gag riunyaen mbouj guhsing. Daeggumqgoz simyou dangqmaz, lumjbaenz gaenq conh roet yet nyouh lo, de siengj vaiqdi buet liz gizdieg saehhux neix, aen ndang lienzdaemh doenq dauqlaeng, lij doq doenq doq gungj hwet baiq, lajdin byoekfan aen batva, yiengj dinghdingh danghdangh.

Yinghmingz vix gij ien caeuq bingjronghndwen, daezsingj de dawz baema, Daeggumqgoz dauqfanj byaij engqgya vaiq lo, gwnz bak lij naeuz go ha, neix dwg mehyah gou youq ndaw ranz hai diemqvangjden canh cienz le, de hawj gou daiq daeuj hawj mwngz, huqleix mbouj lai, di eiqsei hane.

Daeggumqgoz mbouj rox, mehyah de doiq Yinghmingz gaenq gaeuq miz eiqsei lo. Miz eiqsei daengz cungj cingzdoh lawz ne? Boux vunzbaz haengj daenj vunjvenjmbaq haenx, caeuq Daeg- gumqgoz naeuz yaek bae haw, ok dou le, cix cienq gvaq laengbya, benz hwnj roen ngutngut ngeujngeuj, ndonj gvaq nge oen gohaz le, youq gizdieg baez maeuq couh mbouj raen ngaeuz haenx, caeuq Yinghmingz got ringx haeuj gwnz dong nywj bae. De hag daengz gij gisuz hai diemqvangjden, hix dwg Yinghmingz dawz aen soujgih cap haeuj ndaw cagvenj aekdaemq de bae, fwngz gaem fwngz son de cij rox.

Daeggumqgoz baema lo, Yinghmingz youh daekeiq youh roxnyinh miz di saetmuengh he.

Mwngz naemj ho, doenghgij saeh bouxsai vunzbaz, couh lumj aen faengx betnyied cibngux nei, duk ndaej caengz dem caengz, baenzbaenz mbouj ndaej laeuh okbae, dauqdaej fanh cungj yakrwix ndawde ndauq baij youq baihnaj; hoeng daj ciuhgeq doxdaeuj, bouxsai aeundaej baenzgoeng haenx, bouxlawz mbouj dwg yahlaux yahnoix baenz bang baenz gyoengq?Yinghmingz nyinhnaeuz, bonjfaenh ndaej seizbienh baijbouh gyoengq vunzbaz ndawmbanj, mbouj hawj bouxwnq rox saekdi couh ndaej gyoengqde guh geiqhauh, lwgfwngz baez nyaenx, fat ok minghlingh, vunzbaz couh youq gizdieg wnggai youq haenx caj de, bonjfaenh caen dwg beij vuengzdaeq lij miz geiqmaeuz! Hoeng faenh najrongh neix, caemrwgrwd daiq haeuj ndaw guencaiz bae, cungj miz di sim mbouj gam bw. Gij cingzcik hagseng loenghgyaj aeundaej haenx, youq dangqnaj vunzlai angj baez ndeu cij baenz, caiqgangj bonjfaenh baenz ak dem.

Mwngz mbouj rox gou baenzlawz ak, gou couh mbouj suenq ak, 26 caeuq 0 couh mbouj miz gijmaz mbouj doxdoengz, de couh lumj bouxsai ndawmbanj gizyawz nei mboujmiz gijmaz bonjsaeh lo. Gwnz muengx miz aen vahriu ndeu, naeuz baez rumzhwx “cukbya” neix, couh lumj dahsau deq youxsai, lau de mbouj daeuj, youh lau de luenh daeuj. Gij simcingz Yinghmingz cingq ngamj doxfanj, de mbouj lau Daeggumqgoz luenh gangj, couh lau de mbouj gangj okbae.

Ngoenz daihngeih banhaet, Daeggumqgoz dep gokciengz, rag diuzlienh geu vaq, doq mbon doq ok nyouh.

Guh gijmaz?

Ok nyouh.

Dingqnyi gij sing sug raixcaix, Daeggumqgoz cienq ndang gvaqdaeuj, swenj sing ndeu, nyouh ok daengz dangzvaq bae, dumzcwdcwd baenz benq. Yinghmingz riunyumnyum yawj de, Daeggumqgoz vaiq dwk gangj, go, gou caen mbouj gangj okbae law!

Mwngz caen mbouj ndaej gangj. Yinghmingz lumj riu youh mbouj riu, bekbek aen mbaq Daeg- gumqgoz, byaij dauqbae lo.

Yinghmingz roxyiuj, ndawsim bouxvunz baez miz baexmaed le, couh mbouj an’onj lo, couh coegcamz lo. Dangqnaj de yawjraen gijhaenx, goengqbya gaenq mbouj dwg goengqbya, raemx gaenq mbouj dwg raemx, gwnz huz mbouj miz rumz bongj hix miz fubfeb lo.(6)

“拜贵人”沿袭至今，憨实的山民深信不疑，祈求大年初一的“贵人”，在新年给自己带来好运。驼子简直醍醐灌顶，不容置疑，他遇到了一生匪夷所思的“贵人”。他紧张地拉了窗帘，转过身来，两眼惊羡，哥，咱村里，您“配置”了多少女人？

英明又向手机努了努嘴，有官名的都是。

驼子瞪大了馋猫一样的眼，滑动屏幕，细细数着。那根烟差不多烧到英明手指了，驼子抬头，哥，一共26个。

才26个吗？

驼子低头再数，像一个敬业的会计。过了一阵，跛子说，是26个呀，难道我数错了？驼子还想再数一轮，被英明制止了，他笑得深不可测，少几个，无所谓。

这个数据，已是石破天惊，大大超出了驼子的预想范围。他的脑洞已被破开，像脱僵野马狂奔起来，看看，这才是猛男的辉煌成绩，啧啧！但在内心，又给自己数了，一个，两个……数到最后，顿时垂头丧气。

哥，我还不到您的零头。

那说明还是有的。想不到啊驼子，你也不怎么干净。

驼子醒悟，眼神惊悸，慌忙站了起来。英明拍拍他的肩膀，像安慰共同落水的兄弟。话一挑明，双方已无秘密，就得攻守同盟了。

哥，我对天发誓，绝不讲您的事。

我也一样。

讲了我不得好死！

看到驼子六神无主，英明的笑声在嘴上破裂，但他不说话，只诡谲地眨了眨眼。驼子期待英明也发毒誓，但得来的是他高深莫测的笑容。驼子彻底心怵，显然已经屁滚尿流，他想尽快离开这个是非之地，身子连连后退，频频鞠躬，脚下撞翻花盘，叮当作响。

英明指了指月饼香烟，示意让他带回去，驼子脚步反而加快，嘴上说哥啊，这是我老婆在家里开网店赚的，她让我带来给您，不成敬意，一点意思。

跛子不知道，她的老婆对英明已经够有意思了。够意思到什么程度呢？那个喜欢穿吊带的女人，跟跛子说去赶集，出了前门却转上后山，攀上羊肠小道，穿过荆条蒺藜，在人一猫身便没了踪影的地方，和英明抱着滚到草堆上。她学到开网店的技术，也是英明把手机插到她低胸的吊带上，手把手教会的。

驼子走了，英明得意之余，又觉得有点失落。

你想啊，男女之事，就像中秋节包的粽子，层层裹着，绝对不能漏风见光，毕竟万恶淫为首；但自古以来，成功的男人，哪个不是三宫六院妻妾成群？英明认为，他能够对全村女人随意驾驭，游刃有余，不显山不露水就给她们作了标记，手指一动，发出指令，女人就会在该在的地方等着；哪怕三皇五帝，猎色还得强征民女，自己这手高招，恐怕是前无古人的创举吧！但是这份骄傲，默默带进棺材，总是心有不甘。学生作弊得来的成绩，也要向人炫耀一番，何况自己这么大的能耐啊。

你不知道我有多猛，那就等于不猛，26和0就没有什么两样，他和村里其他男人也就一样平庸无奇了。网络上有一个段子，说这次“山竹”台风，就像女孩等待男友，怕他不来，又怕他乱来。英明的心情恰好相反，他不怕驼子乱说，就怕他不说。

次日清晨，驼子靠着墙角，扯开裤子拉链，边解边掏。

干嘛？

屙尿。

听到声音有点熟悉，驼子转过身来，呀地一声尖叫，尿也撒满裤裆，一片湿漉漉。英明笑吟吟地望着他，驼子赶紧表态，哥，我真的没讲！

你真的不能讲。英明笑得云山雾海，拍拍驼子肩膀，走了。

英明知道，人一旦内心有了秘密，就有了不安，有了煎熬。眼前看到的，山已不是山，水已不是水，无风的湖面也起了波浪。

（6）