Roek、Veiyi gietdingh:

1. 7 beixnuengx 7 aen ranz, daj bi 2016 ndwen 9 ngoenz 1 hainduj, moix ndwen doxlwnz ganq 5 ngoenz, daegdaih ndwen 9 ngoenz 1 daengz ngoenz 5, daegngeih ndwen 9 ngoenz 6 daengz ngoenz 10, daegsam ndwen 9 ngoenz 11 daengz ngoenz 15, daegseiq ndwen 9 ngoenz 16 daengz ngoenz 20, daeghaj ndwen 9 ngoenz 21 daengz ngoenz 25, daegroek ndwen 9 ngoenz 26 daengz ngoenz 30, daeg- caet ndwen 10 ngoenz 1 daengz ngoenz 5. Ndwenbyai doxlwnz daengz byawz ganq, couh bau daengz ndwen sat. Couh baenzneix doxlwnz roengz- bae.

2. 7 beixnuengx dwg bouxvunz cigciep cwzyin he, aeu ganq ndei, baujcwng gij saedceij daxmeh gvaq ndaej onjdingh. Danghnaeuz miz maz cingzgvang cigciep daj denva lwnh beixnuengx wnq nyi.

3. Daxmeh moix ngoenz gijgwn, mbouj ndaej noix gvaq 10 maenz, ngaenz meizgi, ngaenz dienh ngaenz raemx, daj ndaw ngaenzgoek daeuj gaeu.

4. Ciuq seiz ciuq liengh boiq gwn, bang daxmeh hwnqcongz swiq- ndang, baujcwng gij swnghhoz cizlieng daxmeh.

5. Danghnaeuz yaek aeu dingj- ban, yaek baujcwng boux dingjban ganq ndaej ndei, caemhcaiq youz boux heuh dingjban moix ngoenz ok 30 maenz hawj boux dingjban. 30 maenz faen baenz: Gijgwn daxmeh sai 10 maenz, boux dingjban aeu 20 maenz.

6. Ciuq gij byauhcunj ging- laujyen daeuj ganq, yiemzgimq boux cigban seizbienh lizgyae.

Faenh 《Veiyi Giyau》neix, gizsaed couhdwg faenh gveigawj ginglaujyen ndawranz he, mboujdanh lozsiz cwzyin, vanzlij mbouj saet gij cingz gyoengq beixnuengx. Ganq mehlaux bouxboux miz faenh, bouxboux okrengz, byawz hix duet mbouj ndaej. Meh Daeg’anh couh yienghneix youq ndawranz vuenyungz yiengjsouh bigeq.

(sat)