Ndwen 4 ngoenz 16 daengz 18, vih haeujlaeg hagsib senhconz caeuq gvancez doeksaed 《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》（baihlaj genjdanh heuhguh 《Diuz- laeh》）, Nanzningz Si Minzcunghveij (Minzyijveij) lienzhab Si Swhfazgiz、Nanzningz Yizbau youq aen bingzdaiz veihsin gunghcunghau Si Swhfazgiz haiguh aen hozdung camdap cihsiz mizciengj, hozdung guh 3 ngoenz. Baez hozdung neix cujyau dwg guh muengxyoux dapdaez ciem ciengj, daezmoeg 80% aeu daj 《Diuzlaeh》 daeuj, 20% aeu daj 《Fapguek》 《Fap Dieg Minzcuz Gagguenj》 daengj daeuj, dap deng 7 daez couh ndaej ciem ciengj, ndaej daengz gyoengq muengxyoux angqcoux. Ndwen 4 ngoenz 16 banhaemh 8 diemj, dapdaez hozdung ngamq hainduj aen cungdaeuz ndeu, vunz caeuqfaenh couh daengz 1000 lai boux, hagsib senhconz yaugoj yienhda, vih Cungh- vaz Yinzminz Gunghozgoz laebbaenz 70 hopbi caeuq 《Diuzlaeh》 saed- hengz hopbi ndeu cauh ok gij heiqfaenh ndei.

Yamqlaeng, Nanzningz Si yaek laebdaeb giethab hong youqgaenj, haeujlaeg hagsib senhconz caeuq gvancez doeksaed 《Diuzlaeh》， gya- gvangq hingzsik caeuq gij naj cwgoemq hagsib ganbu ginzcung, hawj 《Diuzlaeh》 haeujlaeg simvunz.

(Veiz Yinjsenz)