Ndwen 4 ngoenz 7 banhaemh, Hingh’anh Yen gaiq nduj ciet lijyouz vwnzva Yauzcuz youq Vazgyangh Yauzcuz Yangh dinbya Byamauh’wzsanh hainduj, baez hozdung neix youz Hingh’anh Yen Minzcunghgiz caeuq Aen Gingjgih Byamauh’wzsanh Guengjsae lienzhab banh, iucingj beixnuengx Yauzcuz Lungzswng、Bingzloz、Gvanyangz daengj dieg daeuj caeuqfaenh hozdung. Vanjvei yienhciengz, gyoengq beixnuengx Yauzcuz ndang daenj buhvaq minzcuz moqsag, ciengqgo diuqfoux, langhbaij gij ndangdaenj minzcuz、diuqfoux Yauzcuz hawj bouxhek caeuq vunzlai dangdieg yawj, doenggvaq gofoux senhconz gij vwnzva Yauzcuz.

Ndwen 4 ngoenz 8, youq Aen Gingjgih Byamauh- wzsanh beixnuengx Yauzcuz ndang daenj buhvaq moqsag doiq fwen, danqhaenh ndwenngoenz ndei, ciengqgok seizdaih moq. Youq dingjbya Byamauh’wzsanh sang 2000 lai mij neix ciengqgok 《Gou Caeuq Guekcoj Gou》， ciengq ok gij cingz gyaez guekcoj gyoengqde.

(Cau Yungzgoz/赵荣国)