Vih caenh’itbouh giengzvaq son- gyauq senhconz aen yienh guhyiengh minzcuz doxgiet cinbu, comz langhbaij gij cingzcik hong cauhlaeb minzcuz doxgiet cinbu, mboengqneix, Yungz- suij Myauzcuz Swciyen guh aen hozdung senhconz cauhlaeb aen yienh guhyiengh minzcuz doxgiet cinbu daengx guek hingzsik lai yiengh haenx.

Hozdung guh comz senhconz、vwnzyi yienjok daengj. Comz senhconz hozdung giethab saedsaeh, doenggvaq venj fuk baengzhoengz、baij canjbanj, fat ceksaw senhconz daengj fuengsik, senhconz gij minzcuz cwngcwz dangj、gij cihsiz minzcuz doxgiet cinbu、gij cingzcik Yungzsuij gak hangz gak nieb gaijgwz hailangh seiqcib it hopbi aeundaej haenx, gungh venj fuk baengzhoengz 100 lai diuz、guh canjbanj 60 lai gaiq、fat ceksaw senhconz 10000 lai cek(faenh), caenh- itbouh gya’gvangq gij naj cwgoemq caeuq rengzyingjyangj senhconz; vwnzyi yienjok yungh “minzcuz dox- giet ranz vunz ndeu, caemhsim hwnjguh aen loqsiengj Cungguek” guh cawjdaez, biujyienj le caij din venz、gag ciengq daengj gij cezmuz vunzlai haengj dingq gyaez yawj haenx, langhbaij gij cingzcik gak minzcuz doxgiet caeuq gij yiyi hungnaek hawj gyoengq vunz, mwh yienjok lij guh hozdung ciengj dap gij cihsiz cauhlaeb minzcuz doxgiet cinbu dem, vunzlai yienhciengz gaenxmaenx caeuqfaenh dapdaez.

Baez son’gyauq senhconz hoz- dung neix hawj vunzlai gak cuz daengx yienh roxnyinh daengz gij heiqfaenh naekna minzcuz doxgiet, bongjci hwnj raq heiq hoengh hag gij cwngcwz minzcuz cunghgyau、henhoh aenbiengz huzndei onjdingh、netsaed doicaenh cauhlaeb aen yienh guhyiengh minzcuz doxgiet cinbu daengx guek.

(Cinz Cunghdwz)