Heiqyahvaiz Cinzhih youh heuhguh heiqvaiz、heiqdeih roxnaeuz heiqbuhraez, dwg cungj heiq cojcienz ndeu, youz doenghgij gofoux ndaw- biengz Cinzhih heuhguh foux diuq vaizcin haenx bienq daeuj, danhseih mboujguenj baenzlawz bienq, cungj noix mbouj ndaej miz goengvaiz、yahvaiz song“boux”neix, neix couh heuhguh heiqyahvaiz Cinzhih. Heiq- yahvaiz miz daegsaek deihfueng noengzna; ndawde miz gangj、miz ciengq、miz yienjheiq, vunz yawj le riu angq lailai, bouxguhnaz dangdieg gyaezmaij dangqmaz.

Baez daengz duenh gonqlaeng ndawcieng, vunzlai dangdieg gag guh hozdung angqcoux seizcin, sim gouz ndaem maz baenz maz, ciengx maz ndaej maz. “Diuq vaizcin”dwg hozdung ceiq daeuz; youz song daengz seiq boux vunz daz duz“vaiz”baihlaeng banq miz doenghgij baengz raiz miz dozveh haenx, cunz daengz gak ranz gak hoh baiq cieng hoh bi moq, doq diuq doq ciengq.

Yienj heiqyahvaiz ciengzseiz ciengq fwen maqmuengh, laemzseiz biujyienj, bien yienj gojgaeq iq ndaw saedceij (ciengzseiz daj goek daengz byai yienj gij hong reihnaz ndaem ciengx, lumj cae naz、doek ceh、baekndaem daengj).

Heiqyahvaiz dwg daengx guek cungj heiq gag miz ndeu. Ciuq ndaw saw geiq, daj Ciuhcingh duenh Genzlungz doxdaeuj, Cinzhih couh miz ban heiqyahvaiz gingzciengz yienjheiq lo, youq Cinzhih miz ceiq lai. Moix aen ban heiqyahvaiz ndaw- biengz itbuen miz 10 daengz 16 boux. Yienjheiq seiz haenx, boux- yienj ciengq coenz gwnz coenz laj liux, roq baez gyong laz ndeu. Gij vahciengq daihbouhfaenh dwg caet cih saw, vah mizyinx hawj vunzlai yawj couh riu angq、vunzlai ngaih rox, doenghgij daegdiemj heiqangq yienhda, vunzlai dangdieg gyaezmaij dangqmaz.

Heiqyahvaiz heiqmoeg(cozbinj) lai dangqmaz, faen baenz song loih hung: Heiqmoeg cojcienz caeuq heiqmoeg yienhdaih. Ciuq gyoep- suenq mbouj caez, heiqmoeg cojcienz miz 340 lai aen, heiqmoeg daibyauj miz《Fwendaibingz Saekcin》《Cinz Simeij》 《Liengz Sanhboz Caeuq Cuz Yinghdaiz》daengj. Heiqmoeg yienhdaih miz 250 lai aen, heiqmoeg daibyauj miz《Cejdaih Cin》《Sam Sawq Bouxgvaigi》《Roengqgaeq》daengj. Gij daegdiemj ceiq hung gvendaengz heiqyahvaiz haenx dwg aeu ciengq guhdaeuz, gangjvah noix dangqmaz.

2007 nienz, Heiqyahvaiz Cinz- hih ginggvaq Gvangjsih Bouxcuengh Swcigih Yinzminz Cwngfuj doengz- eiq, ndaej senj haeuj daih’it buek swcigih gaep feihvuzciz vwnzva yizcanj mingzloeg.