Ndwen 3 ngoenz 30, Aenhoih Lienzvuen Vunz Guengjsae Youq Baekging Angqhoh “Sam Nyied Sam Bouxcuengh” Gaiq Daihseiqcib Ngeih Nem Aenhoih Gaisau Doigvangq Vwnzva Lijyouz Guengjsae youq Cunghyangh Minzcuz Dayoz banh. Cien lai vunz Guengjsae youq Baek- ging bae caeuqfaenh aen hoih- hoengh, caez gangj cingzngeih mbanj- ranz, ciengqgo diuqfoux, caemh angqhoh cietfwen “sam nyied sam Bouxcuengh” Guengjsae. “Sam nyied sam” dwg aen cietndei yungh Boux- cuengh guh daeuz、Bouxgun caeuq lai aen minzcuz vunznoix doengzcaez angqhoh ndeu, deihfueng daegsaek yienhda、gij heiq minzcuz naekgywd caeuq gij vwnzva neihanz lai, dwg gij bouhfaenh gapbaenz youqgaenj ngoenzciet cienzdoengj Cunghvaz, engq dwg gij vwnzva fouzhauh gietcomz dungxcaiz caeuq raemxhanh lwgminz Guengjsae.

Youq aenhoih gaisau doigvangq, vwnzyi yienjok biujyienj sei ciengqgo diuqfoux 《Ciengq Yahvuengz》 ceiq daeuz, yungh gij gojgaeqfangz Boux- cuengh gaeuqgeq neix, daiq caezgya roxyiuj Guengjsae saenzgeiz、Guengjsae gyaeundei. Daengx ciengz vwnzyi yienjok hopheux “siuj、bya、haij、laux、bien、souh” roek aen vwnzva lijyouz doigvangq gaisau cawjdaez, doenggvaq langhbaij sibinz byadah caeuq gofoux、heiq、buhvaq minzcuz lai saek lai yiengh, langhbaij byadah、gingjsaek gyaeundei Guengj- sae, langhbaij vwnzva minzcuz daeg- saek daegbied gagmiz caeuq gij goekdaej vwnzva laegna Guengjsae, danqhaenh gij cingzcik ronghsag Guengjsae 60 bi doxdaeuj aeundaej haenx caeuq gij swnzsienh dungx- caiz、 gaenx guh maenh’ak lwgminz Guengjsae, gyalai vunz Guengjsae youq Baekging nyinhrox minzcuz caeuq aen sim gagsaenq vwnzva, engq doidoengh gij vwnzva minzcuz maenh- ndei Guengjsae byaij ok Guengjsae、cienz daengz daengx guek gak dieg.

Ciuq cam rox, aen hozdung baenzdauq vunz Guengjsae youq Baekging angqhoh “sam nyied sam Bouxcuengh” gaiq daihseiqcib ngeih daj ndwen 3 ndawcib hainduj, daengz seizneix gaenq banh le lai ciengz hozdung. Ndwen 3 ngoenz 17, bi 2019 Guengjsae “sam nyied sam Bouxcuengh·angj dijyuz minzcuz” Baekging faenhoihciengz nem aen hozdung baenzdauq vunz Guengjsae youq Baekging angqhoh “sam nyied sam Bouxcuengh” gaiq daihseiqcib ngeih youq Cunghyangh Minzcuz Dayoz banh, hainduj le baez hozdung baenzdauq neix. Gaiq hozdung baenz- dauq “sam nyied sam Bouxcuengh” neix nangqdaengz dijyuz、vwnzva、lijyouz、yisuz daengj lai dieg, hawj vunz Guengjsae youq Baekging roxnyinh daengz gij heiqfaenh ngoenzciet naekgywd, ndaej daengz vunzlai haenh.

(Luz Denhyouj Moz Yihyenz/卢天友 莫伊然)