Roxnyinh geizheih, Yenleiz ciuq daezsingj cawx le leixcaiz, aen singhgiz ndeu le, couh ndaej 50 maenz faenhoengz, ninz youq gwnz congz, ndwen ndeu couh canh ndaej 200 maenz, caen hawj Yenleiz simdoengh raixcaix. Auyingh caen dwg maenh’ak bw, dauqdaej dwg dang gvaq ganbu, aen uk couhdwg lingz, ndwn sang yawj ndaej gyae, bouxgvan bonjfaenh cij miz daengx ndang rengz- manz, gij yienghsiengq bouxgvan youq ndawsim Yenleiz sikhaek daemq buenq aen gyaeuj. Yinghmingz caeuq Yenleiz doxfat saenqsik baebae dauqdauq, dangyienz mbouj ndaej cij gangj leixcaiz, gijde lwnh cungj lwnh gaeuq lo, couh youq gyanghaemh ronghndwen rongh ndaundeiq noix haenx, Yenleiz nyaenx dawz aen gyaeuj duzmahenj, Yinghmingz daj laeng ndang de fwngz mbaeu ga mbaeu yamq hwnj laeuz, songde doxndei lo. Dang aen ndang song boux vunz ndei ndaej mbouj miz giz geh seiz, Yenleiz diemheiq youh gaenj youh naek, lwgda ngauznyeg de muenghyawj gwnzbam, diuz sienq leg haenx hix cingq ngauznyeg, gingqyienz baenz di baenz di caeuq guenjdaeng doxhab lo.

Yenleiz haemhneix youh dwen gij saeh fuyanghcangj, lwgda Yinghmingz laep baenz diuz sienq ndeu, riu ndaej engqgya miz eiqsei lo. De naeuz, caeklaiq mbouj dang fuyanghcangj, mboujnex bouxlawz daeuj gvensim mwngz nit roxnaeuz raeuj ha? Vunzbaz ndei couh lumj dujva nei, wnggai hai youq seizndei, deng nditcin nguh seiz le, couh dek baenz makcauj mboep, lumj nohlab rumz ci hawq nei. Yawjyawj doengh boux vunzbaz ndaw mbanj, gag hen aenrug hoengq, bouxlawz ndaej lumj mwngz yienghneix miz raemxraiz dwk?

Yenleiz yaengyaeng dub de gaemx gienz ndeu, yawj ndaej ok moeb dwk gig unqswnh. De naeuz deng lo, mwngz hawj gou youq gwnz muengx cawx ngaenzbijdwz, lij miz ceijgim, couh lumj giuznae ringx doxbae, sam ndwen couh canh ndaej 2000 lai maenz, gou hawj mwngz di cienzsinhoj he ba.

Yinghmingz sikhaek naeuz, mbouj yungh, gou miz ngaenz daihbaj.

Byaij ok faexled suenbyaek, gaenq dwg gyanghwnz song diemj cung lo. Soujgih dinghdungh yiengj sing ndeu, Yinghmingz doq byaij doq yawj, Yenleiz baen cienz hawj de lo, saenqsik ceiq moq daezsingj: Mbaw gaj hauhmax baihlaeng *6588 mwngz youq 9 nyied 17 hauh 2: 08 souhaeuj 500 maenz, seizneix lw ngaenz dwg 518.25 maenz. [Gyaudoeng ngaenzhangz]

Dungh sing ndeu, Yinghmingz caeuq vunz doxbungq lo, Daeggvez coemj laemx roengz nazboengz, conghbak haiz myaiz boedboed, Auyingh, mwngz guh gijmaz la? Yinghmingz hix mbouj leixlangh de, laebdaeb byaij bae fofo, hwk ndaej doengh duzdaek seiqlengq mbin deuz, yiengjcaca baenz benq.

Aen mbwn naeuz liengz couh liengz lo, hawj vunz cungj mbouj miz banhfap fuengzre. Rumzhwx gvaq le, gwnzmbwn seuqcingh, miz roeghung aj fwed mbin gvaqdaeuj, gij bwnroeg de deng rumz bongj ndaej fanluenh liux. Laj aen diengzraet henz giuz- ciengz, vunzmbanj cingq dwk mazcoz. Bouxsai gveng aen diuz ndeu, naeuz gwn mwngz, gwn mwngz! Vunzbaz mbon ok gaiq dungz ndeu, coux hwnjbae, bungq aen diuz le, daengx naj riuvauvau, naeuz cuengqbauq, cuengqbauq vei! Youq ndaw vah doxdaeuq gak miz gak eiqsei haenx, daengngoenz daj ndaw fwj loh ok buenq faj naj, saj roengz gij nditrongh hawj vunz simmaez.

Yinghmingz ing youq gwnz eij faexswjdanz, aen eij dwg cienmonz laeb hawj de. Bingzseiz dwkgeiz mbouj gaeuq vunz, de saekseiz couh bouj hwnjbae, guhcaemz saek yaep, engqlai seizgan, de gikgyang- gyang buenq ing youq gwnz eij, sijsaeq doeg gij sinhvwnz ndaw soujgih, song ga gangq youq gwnz daizcaz, gwnz daizcaz cingq cawj cungj cazvagim Mbanjcuengh ndeu, cingq hwnj bop boengboeng. Yawj hwnjbae de engqgya caeuq bouxwnq mbouj doxdoengz, baenzbaenz cungj beij vunz sang gaep ndeu. Vihmaz ne? Vunzmbanj dingzlai mbouj roxsaw, couhcinj doeg gvaq cuhcungh, gij cih haenx hix doeg ndaej fwngz raek ga gvez liux, eiqsei engqgya dwg seizbienh gyan’gyak roengz dungx. Couhcinj dwg raen gij faenzcieng saehyaez bouxvunz mizmingz, hix cij dwg yawj mbawsiengq saekcaij de, hoeng daj ndaw bak Yinghmingz doeg okdaeuj, sangdaemq vaiqmenh miz gvilwd, daihgya sikhaek lumjnaeuz raen doz saw caezcup nei, ndaw uk hix yienh ok aen cij hung caekhaex biz, miz mbangj vunz gwnz ndang giz deihfueng ndeu lij fwt saenqdaenh dem. Doenghgij bonjsaeh neix mwngz miz lwi? Mwngz mbouj miz.

Auyingh, dah mingzsingh haenx, heuh gijmaz Bingh la, deng vunz byoengq miz “habdoengz yaemyiengz” caeg suiq laeuh suiq, gaemh ndaej dawz la? Mehyah Cojsam cam naeuz, geizmazcoz gwnz fwngz de dwk ndaej yiengjcaca.

Yinghmingz ngiengx gyaeuj hwnjdaeuj, cix raen Daeggvez yawj de. Daeggvez mbouj dwk geiz, hoeng itcig cimyawj de.

Yinghmingz ngamq yaek haibak, Daeggvez gaenq bang de hoiz vah lo. De cienq gvaq ndang mbouj yawj mehyah Cojsam, naeuz, mehnangz, caeg suiq suenq gijmaz? Auyingh lij rox ndaw mbanj bouxlawz caeg vunz ne.

Gij vah neix miz saek vadauz lo, sing dwk mazcoz sikhaek caemdingh roengzdaeuj.

Yinghmingz fwt ngeix hwnjdaeuj, Daeggvez dwg daegnuengx goenggvan Yenleiz. De vihmaz baenzneix hujheiq youh gamj byoengq daej bonjfaenh, gij leixyouz neix gaenq cukgaeuq lo.

Gou mbouj rox!

Gou mbouj rox!

Daraen song boux yaek doxdaemj lo, ndawsim gyoengqvunz vaiqvued diuqfoux hwnjdaeuj. Yingh- mingz caeuq Yenleiz byaij ndaej daiq gaenh, ndawsim vunzmbanj roxyiuj dangqmaz. Hoeng dauqdaej mbouj miz bouxlawz raen gvaq gij riz gwnz ndang Yenleiz deng Yinghmingz doengh gvaq haenx, geu vunj Yenleiz itcig bau ndaej gaenjndwtndwt. Couh lumj raemxmieng lae haeuj ndaw nazrengx nei, yaepyet couh mbouj miz lo; couhcinj ndaw naz miz di dumz, gaenq mbouj caiq dwg gij yienghsiengq raemx, louz mbouj roengz saek yiengh bajbingq hawj bouxwnq gaemhdawz.

(3)

出于好奇，艳蕾按着提示买了理财，一个星期后有了50元分红，躺在床上，一个月就能赚200元，足以让她怦然心动。

英叔果然非同凡响，毕竟当过干部，脑子泛活，高瞻远瞩，自家男人只有一身粗力，在她心中立即就坍塌了半个身子。英明和艳蕾短信频频，当然不能只谈理财，该聊的聊够了，就在一个月朗星稀的晚上，艳蕾按住了黄狗的头，英明从她身后轻手轻脚上了楼，他们好上了。当两人的身子好得天衣无缝时，艳蕾娇喘吁吁，香汗涔涔，她摇曳的眼光望着天花板，那条细缝也在晃动，一点点地和灯管吻合了。

艳蕾今晚又提副乡长的事，英明眼睛眯成一条线，笑得更加颇有深意。他说，幸好没当副乡长，要不谁来给你嘘寒问暖？好女人就像花朵，应该开在好季节，误了春光，就成了裂开的瘪枣，风干的腊肉。看看村里的女人，独守空房，谁能像你得到露珠湿润？

艳蕾轻轻地捶了他一拳，看得出那是粗暴的温柔。她说对了，您让我在网上买的比特币，还有纸黄金，就像雪球打滚，三个月又赚了2000多块，我给您点提成吧。

英明立即说，不用，我有的是钱。

转出菜园篱笆，已是凌晨两点。手机叮咚一声，英明边走边瞄，艳蕾给他划了款，最新的短信提示：您尾号*6588的卡号于09月17日2：08收入500.00元，现余额为518.25元。【交通银行】

咚地一声，英明与人撞了个满怀，跛子扑通跌到烂田里，呱呱吐着唾沫，英叔，您干嘛？英明也不理会，继续蹬蹬阔步，惊得蚂蚱四处飞溅，簌簌作响。

这天说凉就凉了，让人猝不及防。台风过后，天空干净，有大鸟扑翅飞过，风吹翻乱了羽毛。球场边的蘑菇亭下，村民在搓麻将。男人甩了一张条子，说吃你，吃你！女人掏出一张筒子，迎了上去，笃笃碰了条子，脸上笑意泛滥，说放炮，放炮喂！在荤素掺杂的挑逗中，太阳从云层里露出了半边脸，晒下心神迷离的光芒。

英明靠在紫檀椅子上，那是他的专座。平时人手不够，他偶尔补齐，玩玩一阵，更多时候，他慵懒地半躺在椅子上，细细研读手机里的新闻，脚支到茶几，上面煮着壮家的一种金花茶，咕咕冒泡。这更显得他超凡脱俗，高人一等。为什么呢？村民大多不识字，即使上过初中，字也念得残肢缺脚，意思更是囫囵吞枣。即使遇到香艳的明星绯闻，也只垂涎于彩照，但从英明嘴里读出，抑扬顿挫，大伙眼前图文并茂，脑里长出丰乳肥臀，甚至怦地一声，身体某个部位有了震动。这个本事你有吗？你没有。

英叔，那个女明星，叫什么冰的，被人揭露有“阴阳合同”偷税漏税，逮住了吗？左三老婆问道，手上麻将哗哗地响。

英明抬头，却撞上跛子尖直的目光。跛子不打牌，但一直在盯着他。

英明刚要张嘴，跛子已经帮他回了话。他用后背对左三老婆说，嫂子，偷税算什么？英叔还晓得村里谁偷人呢。

这话有了桃花颜色，麻将声音立即静了。

英明突然想起，跛子是艳蕾男人的堂弟。他之所以这么愤恨而又露骨地说，这个理由已经足够。

我不晓得！

你就晓得！

眼看两人就要顶上牛角了，大伙心里跳起了欢乐的舞蹈。英明和艳蕾走得近，村民心知肚明。但毕竟谁的眼睛也没搜寻到，艳蕾身上有英明动作过的痕迹，她的裙子一直裹得紧紧的。就像细水进了干裂的田埂，瞬间就没有了；哪怕田里有了湿润，已不再是水的形态，留不下任何让人攥住的把柄。

(3)