Heiqvwnzcangz Guengjsae gangj dinj couhdwg vwnzcangz, dwg cungj yisuz cojcienz ciengq ndwi, youq Guengjsae ranghdieg gangj Vah- gveibwzgvanhva cienzlah, daegbied dwg youq Gveilinz、Liujcouh、Libuj daengj cienzlah ceiq lai; de dwg Guengjsae cungj heiq ceiq miz daibyaujsing caeuq ceiq miz yingj- yangj haenx.

Heiqvwnzcangz Guengjsae aeu ciengq guhdaeuz, cab miz vahgangj. Heiqvwnzcangz baenzlawz yienj? Miz cungj ndeu lai boux yienj heuhguh“naengh ciengq”, caemhcaiq dwk yozgi; miz cungj ndeu heuhguh “soengz ciengq”, aeu ciengq guh- daeuz, bouxdog gag ciengq, lij miz cungj ndeu heuhguh “byaij ciengq”, doq ciengq doq yienj. Linghvaih, lij miz cungj ndeu heuhguh“heiqvwnz- cangz”, daenj ndangdaenjheiq yienj- ciengq. 20 sigij 50、60 nienzdaih, heiqvwnzcangz haeuj ndaw giyen hwnj gwnz daizheiq le, biujyienj seiz soengz ciengq aeu, couhdwg boux- yienjciengq ndeu fwngz gaem gaiq- yinzbanj roxnaeuz aen dieb ndeu gag doq roq doq ciengq, lij aeu yozdui iq buenx ciengq; lij miz cungj ndeu heuhguh “byaij ciengq”, ciengqgo caeuq diuqfoux doxgap.

Doenghgij vah ciengq cojcienz ndaw heiqvwnzcangz Guengjsae haenx lai dangqmaz, ndawde gangj gij saeh gojgaeq dingzlai ok doengh- gij sawcuenh gangj gojgaeq geizheih sij youq Ciuhmingz Ciuhcingh haenx daeuj. Doenghgij sawciengq baenz- dauq haenx miz《Geiq Saeh Fagcam Nyawh》《Goj Cienz Ngwzhau》《Geiq Saeh Bizbaz》《Geiq Saeh Sihsiengh》《Loqsiengj Laeuzhoengz》daengj cozbinj, gya hwnj doenghgij bonj sawciengq dog《Song Boux Caez Roengz Bya》《Vangzboz Vet Gaeq》《Dunghfangh Soz Baiqsouh》daengj gungh miz 60 aen baedauq. Cozbinj duenh dog ndeu miz《Vujw Cunz Beix》《Laeujfiz Hoenx Doubya》《Gveifeih Laeujfeiz》daengj gyawj 100 aen. Cozbinj moq miz《Hanz Yingh Raen Daxmeh》《Gyanghcej Haeuj Bya》《Dahlizgyangh Cingz Laeg》《Youz Ndaw Veh》《Diegsien Baenzlawz Beij Hwnj Gveilinz Gou》《Haemh Youz Cizsingh》daengj.

Heiqvwnzcangz Guengjsae mizok doxdaeuj miz le haujlai canghciengq, lumj Lij Swjcungh、Ginh Swjcinz、Vangz Yinzhoz、Liuz Yiyingh、Hoz Hungzyi、Cinz Siufwnh、Yangz Gifuz、Lij Veijginz daengj.

Heiqvwnzcangz Guengjsae miz byaraemx Gveilinz gyaeundei buenx le, baengh doenghgij yisuz maezvunz cojcienz haenx, aeu neiyungz moq caeuq yienghsiengq moq, baijok youq gwnz daizheiq vwnzyi.

Heiqvwnzcangz Guengjsae dwg Guengjsae cungj feihvuzciz vwnzva yizcanj gig dijbauj haenx, 2006 nienz ndaej liedhaeuj Guengjsae feihvuzciz vwnzva yizcanj mingzloeg. 2008 nienz 6 nyied 7 hauh, ginggvaq Gozvuyen baecinj, heiqvwnzcangz Guengjsae ndaej liedhaeuj daihngeih buek guekgya gaep feihvuzciz vwnzva yizcanj mingzloeg.