Ndwen 3 ngoenz 19, “dieg mbawcaz mizmingz Cungguek” Hocouh Si Cauhbingz Yen banh “cazvuengz” doxdax bi banh baez haenx, daengx yienh 22 boux bouxak mbaet caz、25 boux saefouh guh caz guh “cazvuengz” doxdax, yungh neix hawj gij caetliengh mbawcaz ndaej daezsang. Cauhbingz Yen dwg dieg guh mbawcaz Guengjsae youqgaenj, bi 2018, daengx yienh ndaem caz najdieg 22.6 fanh moux, bi ndaej mbawcaz hawq 1.26 fanh dun, mbawcaz gyaqcienz dij 14.58 ik maenz, daengx yienh vunzguhnaz dan gai mbawcaz bingzyaenz bouxvunz souhaeuj 3180 maenz.(Liuz Feih/刘飞)