Mboengqneix, Swcigih Minz- cunghveij fat dunghcih, iugouz gak si、yienh(si、gih) bouhmonz guhhong minzcuz cunghgyau dukcoi gak gaep gak bouhmonz gyagiengz hagsib senhconz caeuq gvancez doeksaed 《Aen Diuzlaeh Hong Saw Vah Minz- cuz Vunznoix Gvangjsih Bouxcuengh Swcigih》(baihlaj genjdanh heuh《Diuzlaeh》).

《Dunghcih》giengzdiuh, gak si、yienh(si、gih) bouhmonz guhhong minzcuz cunghgyau cietsaed daezsang diegndwn cwngci, yungh henhoh caeuq hwngfat gij minzcuz gvenhaeh bingzdaengj doxgiet doxbang huzndei, cukmaenh gij eiqsik caezcaemh Cunghvaz minzcuz, saedyienh gij cwzyinganj、 sawjminghgamj haenq gak minzcuz doengzcaez doxgiet haenqguh、doengzcaez hoenghvuengh hwngfat, cietsaed gyagiengz cujciz lingjdauj hong hengzguh 《Diuzlaeh》mingzdingh cienvunz, doeksaed cwzyin, nyinhcaen guh ndei gak hangh hong ngoenznaengz hagsib senhconz gvancez caeuq gamduk genjcaz.

《Dunghcih》iugouz, gak si、yienh (si、gih) bouhmonz guhhong minzcuz cunghgyau aeu dawz hagsib senhconz 《Diuzlaeh》dangguh hangh yivu youqgaenj ndeu, dingh’ok gij fueng- anq guhhong cienmonz, guh’ok gij baijbouh guhhong cienmonz; aeu gaenxmaenx doidoengh dawz 《Diuz- laeh》liedhaeuj gij neiyungz hagsib dangjveij（dangjcuj） cungsimcuj, gvihaeuj neiyungz bujfaz gyauyuz, coicaenh gak gaep lingjdauj ganbu hag 《Diuzlaeh》、 yungh 《Diuzlaeh》； aeu yungh ban son’gyauq、ban yenzdauj、hoih naenghdamz daengj lai loh hingzsik, cujciz mizgven bouhmonz guhhong minzcuz cunghgyau caeuq bouhmonz guhhong vah minzcuz nem boux dungzci guhhong saw vah minzcuz vunznoix guh ciendaez son- gyauq, cinjdeng gaemdawz gak hangh iugouz 《Diuzlaeh》， baujmaenh rox sug、yungh deng; aeu giethab Cunghvaz Yinzminz Gunghozgoz laeb- baenz 70 hopbi caeuq binaengz “sam nyied sam Bouxcuengh”“ndwen senh- conz minzcuz doxgiet cinbu”daengj ngoenzciet minzcuz hung, dajveh haiguh baenzdauq cawjdaez hozdung, cauh ok gij heiqfaenh naekna hag yungh saw vah minzcuz vunznoix caeuq gij vanzging yizlun ndei.

《Dunghcih》iugouz, gak si、yienh (si、gih) bouhmonz guhhong minzcuz cunghgyau aeu doiqciuq 《Diuzlaeh》 baenz gvanj baenz diuz doeksaed, baenz diuz gag caz, cienzmienh cungjgez gij cingzgvang gvancez caephengz 《Diuzlaeh》fatbouh saed- hengz doxdaeuj haenx, cazra miz maz mbouj doh caeuq vwndiz, faensik yienzaen, daezok banhfap genyi. Aeu dukcaz sonyinx gak dieg gak bouh- monz nyinhcaen gvancez doeksaed gij cingsaenz 《Diuzlaeh》， daegbied dwg aeu gyagiengz dukcaz sonyinx aenyaenq baiz danvih、hoihbiu hoih youqgaenj、fukbaengzhoengz byauhyij hozdung youqgaenj daengj gveihfan yungh Cuengh Gun song cungj saw. Doiq gij vwndiz mwh caephengz miz haenx, cingjgaij ndaej aeu sikhaek cingjgaij; camhseiz cingjgaij mbouj ndaej, aeu dingh’ok gij banhfap cingjgaij guh ndaej haenx, nyinhcaen guh cingjgaij. Aeu yiemzgek ciuq hengzfap genjcaz mizgven iugouz, boiqhab Swcigih Yinzda Cangzveijvei guh ndei hong mizgven. Aeu cietsaed hengz cizcwz, gaenxmaenx caeuq dangdieg mizgven bouhmonz lienz- doengh, dawz hagsib senhconz caeuq gvancez doeksaed 《Diuzlaeh》 lied- haeuj yizcwngz lwnhsaeh youqgaenj, dangguh hangh neiyungz youqgaenj hozdung cauhlaeb minzcuz doxgiet cinbu daeuj ca, cugyamq laebhwnj laebcaez aen gihci hong saw vah minzcuz vunznoix cwngfuj dungjcouz hezdiuz、cawjguenj bouhmonz fucwz、mizgven bouhmonz boiqhab、gak gyaiq ndawbiengz caeuqfaenh.

(Yauz Wnhmingz Vangz Yacangh)