Ndwen 3 ngoenz 17, youq Liujcouh Si Yungzanh Yen Fouzsiz Cin Dunghgyangh Cunh boux vunzguhnaz ndeu hai aen veihgwnghgih rauq naz, caepcawq ndaem haeuxcaeux. Ndwen 3 seizcin, cingq dwg seizciet seizcin dajndaem, Yungzanh Yen ciuq gij saedsaeh dangdieg dieg bya lai、gaiq naz iq, gujli caeuq bangfuz vunzguhnaz cawx nungzyez gihgai iq, bangrengz seizcin dajndaem, riengz dwk dienheiq bienq raeuj, Yungzanh Yen gak yanghcin vunzguhnaz ciengj seizndei dajndaem, cae naz cingj dieg, caepcawq seizcin dajndaem, diegdeih Yungzanh diegdieg cungj dwg gij ngaeuz vunzlai gak cuz nyaengqnywtnywt.

Ciuq gyoepsuenq, Yungzanh Yen nungzgih cungjdoenghlig daengz 25.29 fanh cienvax, beij bi’gvaq gyalai 1.75%; gak loih dohlahgih miz 14555 aen, beij bi’gvaq gyalai 2.5%.

(Danz Gaijhingh/谭凯兴)