●Ndwen 3 ngoenz 8, Cungzcoj Si Gohhez lienz- hab Dasinh Yen Gohhez youq Dasinh Yen Lanjhih Segih haiguh aen hozdung gohbuj haeuj lajmbanj. Doenggvaq hawj vunzlai yienhciengz daejniemh goh- buj yizgi, caeuq yawjngonz gohbuj cihsiz canjbanj caeuq haiguh aen hozdung youz suen gohbuj mizyinx, hawj vunzlai roxyiuj gohbuj cihsiz, roxnyinh gij yinx- daeuz gohgi cauhmoq.

（Liengz Gveivah)

●Ndwen 3 ngoenz 5 dwg ngoenz geiqniemh hag Leiz Fungh, Dunghlanz Yenveij cujciz daengx yienh yenciz gihgvanh gak donz- cujciz、gak gaep aen danhvei vwnzmingzhauh bouxcoz、doih fugsaeh gagnyienh baihsae dajveh daengj 42 boux donzyenz bouxcoz bae daengz dieg guhyiengh ndaem youzcaz Cangz- gyangh Cin Bahvanj Cunh haiguh “canjnieb bang- gungz·bouxcoz byaij gonq” Dunghlanz Yen hag Leiz Fungh gagnyienh fugsaeh ndaem youzcaz canjnieb hozdung.

(Veij Ciuhyij)

●Ndwen 3 ngoenz 7, Lungzswng Gak Cuz Sw- ciyen Swsuij Yangh Mbanj- cazlinz Mbanjmyauz banh gaiq daihngeih “dwk din- naez” dijyuz doxdax hoz- dung, beixnuengx Myauzcuz dangdieg haiguh guh youz- caz、caij maxfaex、“dwk dinnaez” doxdax daengj cienzdoengj minzsuz hoz- dung lai cungj lai yiengh, angqcoux ciet mehmbwk “sam bet”.

（Vangz Yungjdanh)

●Ndwen 3 ngoenz 6, Lozyez Yen Sinhva Cin banh aen hozdung youz suen mizyinx coux “sam bet”, 300 lai boux ganbu cizgungh aen cin neix caeuq 14 aen cunh “song veij” cwngz- yenz、bouxguhhong doih- guhhong capyouq mbanj nem mehmbwk daibyauj caeuqfaenh hozdung. Hoz- dung miz bengcag、heiq- baizgiuz doxdax、ciengjdap banggungz cihsiz、sam vunz cug ga buet daengj hangh- moeg mizyinx.

(Banh Houzyin)