Mboengqneix, Cungzcoj Si senh- conz vwnzva hidungj gapbaenz aen doih yienjheiq vwnzva, bae lajmbanj yienjheiq、cuengqingj denyingj daengj gak loih vwnzva hozdung hawj vunzlai daeuj caeuqfaenh haenx, baez hoz- dung neix cawjdaez dwg “aen loq- siengj Cungguek gou——vwnzva haeuj fanh ranz”, haiguh doenghgij hozdung neix hawj vunzlai singz mbanj ndwenngoenz vwnzva cingsaenz ndaej fungfouq.

Aen si neix roengzsim cujciz dajveh, dungjcouz anbaiz gij minzsuz vwnzva hozdung hingzsik lai yiengh haenx. Doengzseiz yungh gij hingzsik gagnyienh fugsaeh cujciz vwnzva、dijyuz、gohyoz daengj bouxvunz guzgan gak hangz gak nieb bae lajmbanj haiguh roengz mbanj yienj- heiq、yienjok leih beksingq caeuq gohbuj hozdung.

Fatok gijndei ciennieb, yungh vwnzva vwnzyi soengq hohfuk bae hawj vunzlai. 30 lai ciengz vwnzyi yienjok, hawj gyoengq vunzlai youq mwh yienj fwen Bouxcuengh Coj- gyangh、heiq caijdiu Bouxcuengh、daihhingz fungcingz heiqmoeg 《Loegvet·Diencienz》 daengj ndaej roxnyinh gij yinxdaeuz fungsug cienzdoengj. Miuhhoih vunz Loegvet Byaraiz gaiq nduj youq Dieggingj Vehbangxdat Byaraiz Ningzmingz banh haenx, doenggvaq “diuzgai vunz Loegvet”“baijyienj vunz Loegvet”“gofwen vunz Loegvet” daengj hozdung, hawj vunzlai roxyiuj gij ciengzgingj ciuhgeq vunz Loegvet caeqbaiq caeuq angqhoh ngoenzciet.

(Siuh Mouyingh)