Fwenleux Bouxcuengh dwg fwengeq raez Bouxcuengh, mizmingz dangqmaz; dwg bonj comz fwen ndeu, gaxgonq ginggvaq bakriuz haujlai nanz liux, youz bouxroxsaw Boux- cuengh gyagoeng caeuq lai baez coihgaij, aeu Sawndip geiq roengz- daeuj, caemhcaiq aeu hingzsik doengjit. Dingzlai youq gih raeuz mboengqgyang ranghdieg Dahyou- gyangh ndawde Bingzgoj Yen、Denzdungh Yen、Denzyangz Yen, ranghdieg Dahhoengz ndawde Majsanh Yen、Dava Yauzcuz Swciyen, ranghdieg Dahyunghgyangh ndawde Vujmingz Yen daengj dieg riuzcienz. Ranghdieg hungdaeuz youq Bingzgoj Yen, ndawde gizdieg haemq gyonj- comz youq Majdaeuz、Gojva、Dai- bingz、Yehhih、Sinh’anh、Haijcwngz、Dungzlauj、Giucwngz、Bohcau、Sw- dangz daengj yanghcin ndawde 100 lai aen hingzcwngcunh、1300 aen mbanj.

Aenvih eu fwen seizhaenx moix coenz cungj hemq miz“leux—leux—leux”, ndigah heuhguh fwenleux Bouxcuengh. Youq ndaw Vahcuengh, “leux”miz eiqsei“eu fwen guhcaemz guh’angq”, neix dwg doenghgij daejyienh sengdoengh yienh’ok sim- hoz vwnzva minzcuz couhdwg Boux- cuengh“maij fwen”“aeu fwen guh- angq”.

Ciuq ranghdieg faenbouh、gij sibgvenq canghfwen eufwen caeuq cau fwen, fwenleux Bouxcuengh daihgaiq faen baenz“fwen ngoenz”“fwen haemh”“fwen wnq”sam daih bouhfaenh, gungh miz 4000 lai cit, 16 fanh lai coij.

Fwenleux Bouxcuengh dwg fwen ndawbiengz gag hwngfat, youq vwnzyoz、lizsij、minzsuzyoz、yijyenz vwnzva yoz、 sawcihgeq yenzgiu daengj fuengmienh miz gyaciz youqgaenj.

Fwenleux Bouxcuengh dangguh cungj fwen Bouxcuengh cojcienz、baenz daibyauj, dwg aen bouhfaenh youqgaenj gyoebbaenz doenghgij vwnzva minzcuz Bouxcuengh luemj- myab lwenqda haenx, dwg doenghgij vwnzva luemjmyab guekcoj hung- mbwk ndawde aen bouhfaenh noix mbouj ndaej haenx. Bi 2002, Bingzgoj Yen daezok“fwenleux Bouxcuengh dwg aen binjbaiz hungdaeuz vwnzva Bingzgoj, laemxsim haenqrengz daj- cauh ndei gaiq baiz neix!”Daj neix doxhwnj, gij hong vatgud、baujhoh、oksaw、yienjok fwenleux Bouxcuengh ndaej onj yamq baenaj, aeundaej cwngzgoj lailai.

2008 nienz 6 nyied 7 hauh, fwenleux Bouxcuengh ginggvaq Gozvuyen baecinj, ndaej liedhaeuj daihngeih buek guekgya gaep feihvuzciz vwnzva yizcanj mingzloeg.