Ndwen 2 ngoenz 21 liggaeuq ndwencieng cibcaet dwg “ciet mangzhauh” gig saenzgeiz Yungzsuij Myauzcuz Swciyen bi gvaq baez haenx, geij fanh vunz doxcomz youq Anhcuiz Yangh diegbya aen yienh neix, ngonz max doxdik、yawj minzsuz, caeuq gyoengq “mangzhauh” caemh boq venz caijdangz, maqmuengh bi moq caijsoq ndei lailai.

Doxcienz cojcoeng Myauzcuz dangdieg yungh faexgeq gaek baenz mauhngeg, daenj luiq aeu mangzhauh guh baenz haenx, gwnz naj daz danqndaem cang baenz “mangzhauh(vunzgyax)” ndaej dingjhen caeggeq daeuj hoenx ciengj doxgaiq. Dajneix, “mangzhauh” couh baenz gij saenzlingz vunzmbanj dangdieg gingqcungh haenx, binaengz liggaeuq ndwencieng cibcaet cungj aeu cingj “mangzhauh” daeuj caeuqfaenh boq venz caijdangz, maqmuengh mbouj miz cainanh, miz caijsoq ndei. Ciet mangzhauh gaenq ndaej liedhaeuj buek daih’it guekgya feihvuzciz vwnzva yizcanj mingzloeg “gyoengq hoihbo baenzdauq Myauzcuz” ndawde aen ndeu.

(Veiz Dingjbyauh/韦鼎标)