Ndwen 2 ngoenz 12, fwn doek gvaq le fwjmok hoenzngeungeu youq gwnz nazmbaeklae Lungzciz Lungzswng Gak Cuz Swciyen Gveilinz Si, nazmbaeklae caeuq aenmbanj youq gyang fwjmok neix lumj muiq lumj yienh, baenz fuk dem fuk doz gingj seizcin gyaeundei, yinx ndaej bouxhek daeuj yawj nyauznyauz.

Geij bi neix daeuj, Lungzswng Gak Cuz Swciyen baengh gingjsaek daegbied caeuq yinzvwnz gingjgvanh nazmbaeklae Lungzciz, doenggvaq gij hingzsik “gunghswh+nazmbaeklae+nungzhoh” haifat le lijyouz nazmbaeklae baengh nazmbaeklae dajndaem caeuq aenmbanj vunz youq haenx, yied daeuj yied lai vunzmbanj doenggvaq hwngfat lijyouz lajmbanj saedyienh vut gungz baenz miz.

(Banh Cisiengz/潘志祥)