Ndwen 2 ngoenz 14, riengzdwk Aen Hezvei Venz Yungzsuij Myauzcuz Swciyen bae daengz Anhdai Yangh Gyanghcuz Cunh Mbanjdadunghgyangh haiguh “guh doengznienz” hozdung, Yungzsuij cingqsik hainduj le aen hozdung senhconz minzcuz vwnzva daengx bi.

Baez hozdung neix cawjdaez dwg “haj soengq bang vut gungz, haj haenh aencingz dangj”. Cujyau senhconz hoz- dung hingzsik dwg youq aen hoihbo baenzdauq byaij haeuj Myauzcuz bi 2019 senhconz minzcuz cwngcwz dangj、senhconz gij banhfap leih minz gak gaep cwngfuj. Bineix cawz haiguh “vwnzva、gohgi、veiswngh” sam roengz mbanj hozdung le, lij gyalai “haj soengq” caeuq “haj haenh” hozdung dem, couhdwg “soengq cwngcwz、soengq dinfwngz、soengq gangjvei、soengq fugsaeh、soengq simndei” caeuq “canghfwen minzcuz ciengq haenh aencingz dangj、 suhgi daih’it gangj haenh cwngcwz ndei、bouxak dangjyenz cienz haenh roen baenz miz、ranz vut gungz haenh ndwenngoenz ndei、lwghag gungzhoj haenh seizdaih ndei”. Yenciz 25 aen danvih caeuqfaenh baez senhconz hozdung hung neix.

Baez “guh doengznienz” hozdung neix dwg baez minzcuz doxgiet hozdung ndeu youq Myauzcuz caeuq Boux- cuengh song aen minzcuz neix, daejyienh le ndaej daengz minzcuz cwngcwz dangj ronghlwenq, Yungzsuij gak minzcuz couh lumj Siz cungjsuhgi naeuz yienghhaenx “minzcuz lumj ceh maksigloux ityiengh gaenjndaet doxgiet youq itheij, doengzcaez henhoh henzguek, doengzcaez cauhlaeb ndwenngoenz gyaeundei”, gig miz yiyi youqgaenj.

(Veiz Ciginh/韦志军)