Vihliux hawj gij dinfwngz fwngz- guh cienzdoengj caenh’itbouh swnj- cienz hwngfat caeuq gaijgez gij vwndiz ranzgungzhoj couhnieb, bi 2019 ndwen 1, Baksaek Si Yougyangh Gih Minz- cunghgiz bangcoengh Aen Gunghswh Mizhanh Doxgaiq Gunghyi Minzcuz Yajvangz 3 fanh maenz ngaenz, yungh guh son’gyauq guh doxgaiq fwngzguh minzcuz muhmeh Bouxcuengh、ndang- daenj minzcuz daengj, maqmuengh doenggvaq son’gyauq hawj engq lai vunz gungzhoj bae gunghswh hag guh doxgaiq fwngzguh cienzdoengj, gaijgez gij vwndiz couhnieb, fugsaeh ndaw- biengz.

Aen Gunghswh Mizhanh Doxgaiq Gunghyi Minzcuz Yajvangz Yougyangh Gih cujyau guenjguh guh、gai caeuq langhbaij daengj yezvu doxgaiq fwngz- guh minzcuz, doxgaiq miz muhmeh Bouxcuengh、ndangdaenj minzcuz daengj, bi 2018 gunghawj ranz- gungzhoj Dalwng、Bansuij、Yangzhih daengj yanghcin 12 aen gangjvei couhnieb. Aen giz neix doengzseiz anbaiz 11 boux ndangcanz bae gungh- swh hwnjban, hawj gyoengqde ndaej gag okrengz bae ra cienz, vunzhong gunghswh moix ndwen souhaeuj 1000 daengz 1500 maenz. Baenz gienh baenz gienh doxgaiq fwngzguh minzcuz gyaeundei、ndangdaenj minzcuz mboujdan doenggvaq Aen Gunghswh Mizhanh Doxgaiq Gunghyi Minzcuz Yajvangz ndaej hai ok aen cueng senhconz vwnzva minzcuz, hix vih ranzgungzhoj caeuq boux ndangcanz gunghawj diuzroen laisou baenz miz, cugyamq baenz canjnieb youqgaenj ranzgungzhoj caeuq boux ndangcanz dangdieg vut gungz baenz miz.

Doxgaiq fwngzguh minzcuz dwg gij doxgaiq vwnzva cienzdoengj, yienh’ok guhhong、gvaq ndwenngoenz caeuq fungsug minzcuz fungfouq lai yiengh, dwg gij yisuz ceiqndei daeg- bied gagmiz minzcuz.

(Yougyangh Gih Minzcunghgiz)