“Rapdawz gij cwzyin ndaw- biengz, yungh aen sim gyo’mbaiq aencingz hoizbauq ndawbiengz, ok faenh rengz bonjfaenh bang vunzlai gungzhoj, giyez raeuz、ciuhvunz raeuz cij engq miz yiyi.”Neix dwg coenz hauq boux veijyenz Cingsih Si Cwnghez、boux veiyenz Minzgen、boux cungjginghlij Aen Gunghswh Mizhanh Cizva Dunghlingz Gvangjsih ciengz- seiz gangj de.

Dangguh boux giyezgyah ndeu, boux veijyenz cwnghez ndeu, lai bi doxdaeuj, Lingz Dungh itcig yungh gij cingsaenz banh giyez gamj cauhmoq、buekguh baenaj, engq yungh aen sim ndei ndeu hoizbauq ndawbiengz, yungh gunghawj yienj hot go boux giyezgyah ndeu. Baksaek Siveij dungjcan hawj de aen cwngheuh bouxvunz senhcin bi 2015 cien aen giyez bang cien aen mbanj nem sanghgi banggungz doengjit hengz- doengh, Baksaek Si Gunghsanghlenz hawj ciengjgungyen doed ok saehnieb miznaj bi 2014-2015. Bouxvunz senhcin vut gungz gunggeng Gvangjsih Bouxcuengh Swcigih bi 2017. “Boux senhcin mozfan ndawbiengz vut gungz” bi 2017 Cingsih Si.

Gij Cingz Banghag Naekgywd

Geij bi neix daeuj, ndaej daengz Cingsih Si dungjcan bouhmonz dazyinx, Lingz Dungh gaenxmaenx haiguh gij hozdung “caemhsim·banghag”. Daj bi 2002 hainduj, Lingz Dungh dingjmaenh laebdaeb binaengz bangcienz 100 boux hagseng gauh- cungh maenhndei gungzhoj Cingsih. 17 bi daeuj binaengz bang 5 daengz 8 fanh maenz, gungh bangcienz 1600 lai boux hagseng gungzhoj, soq bangcienz mauhgvaq 100 fanh maenz, hawj gyoengq hagseng ndaej bangcienz neix dingzlai gauj hwnj daihhag, bizyez le bae daengz ndawbiengz, vih gak hangz gak nieb guh ok gungyen. De wngqcingz, daj bi 2018 hainduj laebdaeb 3 bi binaengz bang 100 boux hagseng gungzhoj. Baeznaengz ciep ndaej gij dienhvah hagseng ndaej bangcienz gvaq haenx dwk daeuj, Lingz Dungh cungj gig sim’angq, de naeuz:“Maqmuengh gyoengqsou roengzrengz lailai, daengzcog ok faenh rengz ndeu hoizbauq ndawbiengz couh baenz lo!”

Gij Cingz Banggungz Naekgywd

Lingz Dungh baenz miz mbouj lumz gij cwzyin ndawbiengz, gaenx- maenx han’wngq gij iuheuh siveij、si cwngfuj, caeuqfaenh gij hozdung “minzgi bang mbanj·caemhsim caemh byaij”, gaenh song bi neix daeuj, de lij gaenxmaenx caeuqfaenh hong laj- mbanj swnghdai caeuq hwnjguh lajmbanj moq, haeujcoengh hwnjguh gij giekdaej sezsih lajmbanj, caemh- caiq giensoengq doengjnyapnyaj、canj、sauqbaet daengj hongdawz hawj Mbanjgohmoz Gizyungz Cunh Sinh- cing Cin. Gonqlaeng gien cienz hawj bouxguhnaz cawx cehfaen go- doengzhau、vafeiz, hawj mbanj- gungzhoj、dangjyenz geq gungzhoj, hawj gij hozdung baet seuq lajmbanj caeuq gij saehnieb goeng’ik ndaw- biengz daengz 50 lai fanh maenz. Vih caenh’itbouh gyavaiq yamqdin vut gungz gunggeng Cingsih Si, bauj- maenh ranzgungzhoj laeb dangjanq laeb mbawgaj aen si neix daegbied dwg gyaeujvunz gig gungzhoj ranzgungzhoj laeb dangjanq laeb mbawgaj ciuq seiz vut gungz, Cingsih Siveij、Si Yinzminz Cwngfuj iuheuh vunz simndei caeuq giyez simndei daengx biengz haiguh “hozdung bangfuz simndei”“it doiq it” roxnaeuz “it doiq lai” nyinhlingx bangfuz ranz gig gungzhoj, Lingz Dungh gapdoiq 75 ranz ranz gig gungzhoj, dwg vunz simndei gapdoiq bangfuz ranz gig gungzhoj ceiq lai aen si neix.

Lauxsaed Soujsaenq Guh Ginghyingz

Dangguh aen giyez guh yw swnghvuz, naemj aeu youq aen hawciengz doxceng gig haenq neix ndwn maenh din、aeundaej gijndei, couh aeu doiq bouxhek guh daengz lauxsaed soujsaenq, yungh gij fugsaeh miz saenqyungh hawj bouxhek saenq ndaej, baenzneix couh laeb gij gvanhaeh yezvu maenh ciengzseiz. Lingz Dungh cingqdwg dingjmaenh gij yenzcwz “caensim cingqheiq guh vunz、lauxsaed soujsaenq guh saeh”, mwh guhhong lauxsaed guh saeh、ginghyingz aeu lauxsaed soujsaenq guh goek、gvaq ndwenngoenz caensim daih vunz, cijndaej youq aen hawciengz doxceng gig haenq neix ndwn maenhdwt, caemhcaiq mbouj- duenh gyamaenh hawciengz, hawj gunghswh canjciz baumaenh bingzonj demmaj. Guhhong dingjmaenh laux- saed guh saeh. Dangguh bouxguenj- leix, guh daengz lauxsaed guhdaeuz, seizseiz guh daengz “seiq dox seiq mbouj”, couhdwg: Dox haeujcoengh mbouj ceng gienz, dox saenq mbouj ngeizvaeg，dox aeueiq mbouj diuqnanz, dox boiqhab mbouj doideuz. De dingjmaenh ciuq saedsaeh guh guenjleix bouhmonz, dingjmaenh “goengcingq、goengbingz、goenghai”, coengzlaiz mbouj aenvih bouxvunz gyaezmaij biensim cizgungh. Seizseiz daj gunghswh hwngfat daihbuenz haidin. Mwh guhhong, Lingz Dungh dingjmaenh gouzcaen caen guh、lauxsaed guh saeh. Doiq gaeplaj guhloeng, cungj ndaej gibseiz rapdawz cwzyin, caenhliengh ra banhfap gaijgez, mbouj doi cwzyin. Ginghyingz dingjmaenh yungh lauxsaed soujsaenq guh goek. Youq mwh moix aen singhgiz haihoih, de ciengzseiz naeuz “lauxsaed soujsaenq dwg gij goekgaen giyez hwngfat, bouxhek habhoz dwg gij cunghcij raeuz”. Youq mwh son- gyauq dinfwngz yezvu siugai, de ciengzseiz gangj daengz:“Aeu caensim daih moix boux vunz henzgyawj, doenghgij vunz neix lauheiq cingqdwg gaiq yaekseiz dijbauj raeuz hai aen hawciengz”. Youq mwh siugai huq, de soujsaenq habdoengz, yiemzgek guenj ndei caetliengh huq, nyinhcaen guh ndei hawj bouxhek ndaej habhoz, laeb le gij mingzdaeuz ndei, rengzrwd coicaenh giyez hwngfat.