2017 nienz 3 nyied, Yungzsuij Myauzcuz Swciyen Yungzsuij Cin Dunghvaz Cunh Mbanjsanhdouz, 7 boux vunzdaiqdaeuz baenzfouq lajmbanj lienzhab laebbaenz Sanhdouz Nungzyez Conhyez Hozcozse, yungh aen vunqsik “hozcozse + gihdi + nungzhoh” hwngfat dajndaem maenz、guh faenjmaenz caeuq siugai, daiqlingx 12 aen ranzgungzhoj 70 lai vunz vutgungz baenzfouq. Seizneix, aen hozcozse neix miz gihdi dajndaem maenz 100 lai moux, ranzgungzhoj gag leihyungh gij reih bonjfaenh ndaem maenz. Moix bi ndaej siugai maenzndip 5 fanh gaen, ndaej souhaeuj 12 fanh maenz, moix ranz ndaej souhaeuj gaenh fanh maenz; siugai faenjmaenz 1 fanh lai gaen, moix ranz souhaeuj mauhgvaq fanh maenz.

(Liu Swjyenh/廖子渊)