Mboengqneix, Gvangjsih Boux- cuengh Swcigih Yinzminz Cwngfuj baecinj goengbouh le 《Buek Daihcaet Swcigih Gaep Feihvuzciz Vwnzva Yizcanj Daiqbiujsingq Hanghmoeg Mingzloeg》, Bingzgoj Yen ciengq faenzlungz Bouxcuengh、gij dinfwngz guh faenjbiekgyoij Bingzgoj、fap yw bingh lwgda Bouxcuengh Bingzgoj gungh 3 aen hanghmoeg ndaej senj- haeuj.

Geij bi neix daeuj, Bingzgoj Yen gig yawjnaek hong baujhoh feihvuzciz vwnzva yizcanj, caemhcaiq aeundaej di cingzcik. Goengbouh buek moq swcigih gaep feihvuzciz vwnzva yizcanj daiqbiuj hanghmoeg mingzloeg, yaek vih gij vwnzva cienzdoengj maenhndei minzcuz Bingzgoj Yen daiq daeuj rengzdoengh hung’ak, doidoengh Bingzgoj Yen feih- vuzciz vwnzva yizcanj mwnhoengh hwngfat.

Ciuq cam rox, buek daihcaet swcigih gaep feihvuzciz vwnzva yizcanj daiqbiujsingq hanghmoeg mingzloeg faen baenz: Faenzhag ndawbiengz、yaem’wenq cienzdoengj、 diuqfoux cienzdoengj、citheiq cienzdoengj、gizyi、“dijyuz cienzdoengj、youzyi caeuq bajheiq”、dozveh cienzdoengj、dinfwngz cienzdoengj、yw cienzdoengj、minzsuz 10 daihloih, gungh 141 hangh.

(Bungz Yenjho Liuz Siujlenz)