●Ndwen 1 ngoenz 5 banhaemh, youq ndaw Gveigiyen Hozciz Si Yiz- couh Gih, gyoengq siuj baengzyoux caeuq bohranz doxcomz youq giz ndeu, doxlwnz hwnj daiz langhbaij dungxcaiz, yienj le langh- baij buhvaq ciuhgeq、ciengqgo、doeg sei daengj ca mbouj geij lai 30 aen cezmuz ndeiyawj, yungh gij hingzsik comzyienj hagsib cwngzgoj angq gvaq bi moq, langhbaij gij yienghsiengq cingsaenz ndei lwgnyez seizdaih moq cingsaenz gvaekgvaek.

(Genz Cwngz)

●Mboengqneix, Vanz- gyangh Mauznanzcuz Sw- ciyen Sih’wnh Cin banh gaiq daihngeih fouxgvangj- cangz doxdax. 19 aen doih daj 14 aen cunh(segih) caeuq gihgvanh aen cin neix daeuj haenx doxcomz youq giz ndeu, caez langhbaij gij funghcaij fouxgvangjcangz, cungfaen langhbaij le gij yienghsiengq cingsaenz ndei vunzlai seizdaih moq.

(Luz Siuhsiuh)

●Mboengqneix, Gung- cinghdonz Dunghlanz Yen- veij bae daengz dieg- lienzhaeh Cangzgyangh Cin Bahvanj Cunh banh aen yizsi giensoengq denz “Dunghlanz Yen hauxseng bang rengz vut gungz gunggeng —— Roegenq soengq raeuj”, soengq 171 fan denz simndei bae hawj ranzgungzhoj laeb dangjan laeb gaj aen cunh neix, gyaqcienz dij 2 fanh maenz.

(Veiz Liginh)

●Mboengqneix, Vuj- senh Yen banh aen singhgiz yisuz dijyuz cungh siuj- hagseng doxdax lahlah- cauh, daengx yienh 25 aen doih caeuqfaenh doxdax doxcomz youq giz ndeu, langhbaij gij yienghsiengq cingsaenz hagseng bouxcoz nyezrauh Vujsenh gig miz rengzhoengh、cingsaenz gvaekgvaek.

(Cau Gozanh)