Caijdiu dwg cungj citheiq ndeu, gyoengqvunz Guengjsae cungj gyaez yawj maij dingq; cungj heiq neix youz“diuhdoxdoiq”yienjbienq baenz,“diuhdoxdoiq”youz doenghgij gofoux、gangjciengq lajmbanj rangh- dieg Gveilinz yienjbienq baenz; caijdiu faenbouh haemq gvangq. Heiqcaijdiu riuzcienz youq ranghdieg Gveilinz、Liujcouh、Hozciz、Bwzswz daengj. Aenvih vahdoj mbouj dox- doengz, baenzlawz heuh mingzcoh gij heiq neix, gak dieg cungj mbouj doxlumj. 1955 nienz, caemhcaez heuhguh“heiqcaijdiu”.

Heiqcaijdiu hingzsik seng- doengh swhyienz, doengsug ngaih rox, heiqmoeg ndawde neiyungz depgyawj saedceij vunzlai dangqmaz, miz funggek minzcuz caeuq daegsaek deihfueng noengznwd, ndaej haenh guh“cungj heiq angqvau hom namh lailai”. Gij heiqmoeg gingciengz yienj miz 《Vangzsanh Dwkroeg》《Liuz Samcej》daengj.

Heiqmoeg heiqcaijdiu daih- bouhfaenh aeu gij saeh guhhong、guhyoux、saedceij ndaw ranz daengj guh cawjdaez, miz haujlai gojgaeq bakriuz caeuq bonjfwngzcau riuz youq ndawbiengz. Caijdiu goekrag cap youq ndaw vunzlai lajmbanj, caiq caeuq gij diuh’iq ndawbiengz dangdieg doxgap ndaej gaenjmaenh, neix caijdiu baenz le gij funggek biujyienj miz neiyungz dwgriu、hingzsik sengdoengh swhyienz.

Aen sigij gonq 50 nienzdaih doxdaeuj, heiqcaijdiu cingzcik lwenqda, laebdaeb ndaej haenhndei.

60 nienzdaih codaeuz, aen heiq《Liuz Samcej》ok ndawbiengz daeuj, seiq baez haeuj Cunghnanzhaij, baengh neix mingz riuz doh ndaw guek, ndaej lajmbwn haenhndei.

60 nienzdaih mboengq cungq- gyang,《Sam Duj Vahoengz Iq》caiq haeuj Baekging, doenghboux yenjyenz ndaej Mauz Cwzdungh、Liuz Saugiz、Couh Wnhlaiz daengj cunghyangh lingjdauj ciepraen, cit heiq neix lij ndaej Bwzgingh Denyingj Cibencangj ingjbek baenz yisuzben daizheiq le cuengqingj.

70 nienzdaih mboengq sat, heiqciuhneix《Saeh’angq》coengh Guengjsae duedndaej aen ciengj sawheiq maenhndei, neix hawj heiq- caijdiu yienh’ok gij daez lajmbanj miz doedok hungmbwk.

80 nienzdaih,《Fukdoz Haj Lwg》caiq hawj heiqcaijdiu hwnghoengh mbat ndeu, geijcib aen heiqcungj, geij bak aen heiqduenz doxdanj yienj.

80 nienzdaih,《Naj Hoh Yih Hoh Haih》laebdaeb camgya Cungguek Cietcitheiq caeuq citheiq ciuhneix yawjngonz yienjok, ndaej Vwnz- vazciengj、Cungguek Cauz Yiz Higi Vwnzyoz Ciengj daengj 23 hangh ciengj guekgya gaep, 13 hangh ciengj sengj gaep, miz yingjyangj gvangq dangqmaz.

2003 nienz 9 nyied daej, youq mbanjranz Liuz Samcej——Yizcouh Si Cwngznanz Gvangjcangz、Cungh- sanh Gvangjcangz、Yinzminz Lij- dangz、Cwngfuj Lijdangz daengj yienhciengz gizdieg gawjhengz heiq- caijdiu yisuz comzbauq yienjok, vunz ningnyaengnyaeng, sing bekfwngz goksasa. Gih raeuz caijdiu yisuz ndaej gyoengq“bouxmaij caijdiu”daj gak dieg daeuj haenx haenhndei dangq- maz.

Geij bi neix daeuj, guekgya yawjnaek henhoh feihvuzciz vwnzva yizcanj. 2006 nienz 5 nyied 20 hauh, caijdiu ndaej Gozvuyen baecinj liedhaeuj daih’it buek guekgya gaep feihvuzciz vwnzva yizcanj mingzloeg.

Bouxsughangz nyinhnaeuz, Guengjsae caijdiu yisuz miz daeg- diemj mizyinx lai、hab youq daizheiq yienj, gij fuengsik yienh’ok dep- gyawj saedceij, singdiuh miz daeg- diemj minzgoh lai, miz gij yisuz gyaciz caeuq sanghyez gyaciz gagdog, miz“diemjgai”lailai, ndaej yienghneix guh liuxcaez bae: Cwngfuj vixyinx、ndawbiengz bangcoengh、ciuq haw- ciengz hengz, doenggvaq saedguh caijdiu yisuz vwnzva hozdung lai cungj lai yiengh, ndaej dwk gaiq binjbaiz Guengjsae caijdiu yisuz okbae gyae.